රිටිගල රාවණා පැණිය මගින් කොරෝනා වෛරසය මර්ධනය කල හැකි බවට තම මුලිකත්වයෙන් ප්‍රචාරක ව්‍යාපෘති කල ටෙලි නාට්‍ය අධ්‍යක්ෂවරයෙකු වන ITN සභාපති, ශ්‍රී ලංකා පොදුජන පෙරමුණේ නිදහස් කලා සංධානයේ සභාපති සුදත් රෝහණ මහතාට කොරෝනා වෛරසය ආසාදනයවී තිබේ.
මීට මාස 2 කට පෙරද ස්වාධීන රූපවාහිනී මාධ්‍ය ජාලයේ සේවක සේවිකාවන් සියයකට ආසන්න ප්‍රමාණයකට කොරෝනා වැළඳුණ බවට ආරංචි පැතිර තිබූ අතර මෙවර සභාපතිවරයාටද කොරෝනා ආසාදනයවී තිබේ.
වත්මන් ආණ්ඩුව පසුගිය වකවානුවේ එන්නත්කරණය පිලිබද අවදානය යොමු නොකර මිත්‍යා විශ්වාසයන් පසුපස යමින් රිටිගල රාවණා පැණිය වගේම, කෑගල්ලෙ ධම්මික පැණිය මෙන්ම තවත් බොහෝ මිත්‍යා විශ්වාසයන් ජනතාවට හදුන්වාදෙමින් එයින් කොරෝනා මර්ධනය කල හැකි බව පුන පුනා රටට ප්‍රකාශ කරන ලදි.
එහි රිටිගල රාවණා පැණිය හදුන්වාදෙමින් ප්‍රමුඛ කාර්්‍යයක් ඉටුකලේ අද කොරෝනා ආසාදිතව ඉන් පීඩාවිදිමින් සිටින ITN සභාපති සුදත් රෝහණ මහතාය.
සුදත් රෝහණ මහතා මෙන්ම මේ වනවිට කලාකරුවන් රාශියක් කොරෝනා ආසාදිතව පීඩාවෙන් පසුවෙති. අප ඔවුන් සියලුදෙනාටම ඉක්මන් සුවය ප්‍රර්ථනා කරමු.
ඒ අය ලැයිස්තුව පහතින්
- ටෙලි නාට්‍ය අධ්‍යක්ෂ ෂර්ලි පී දෙලංකාවල
- සාහිත්‍ය නිර්මාණවේදී මහින්ද ප්‍රසාද් මස්ඉඹුල
- ගායන ශිල්පී ජිප්සීස් නායක සුනිල් පෙරේරා,
- ගායන ශිල්පී කීර්ති පැස්කුවල්,
- ගායන ශිල්පීනී උමාරා සිංහවංශ,
- පිටපත් රචක හා ටෙලි නළු ගිරිරාජ් කෞෂල්‍ය,
- ටෙලි නළු නිරෝෂන් විජේසිංහ
- ටෙලි නිළි නයනතාරා වික්‍රමාරච්චි,
- සිනමා නළු හා හිටපු මන්ත්‍රී රන්ජන් රාමනායක,
- සිනමා නිළි ශ්‍රියානි අමරසේන,
- ටෙලි නිළි ශලනි තාරකා,
- රංගනවේදී ජයසේකර අපොන්සු
- ටෙලි නිළි රොෂානා ඔන්ඩච්චි
The post රාවණා පැණිය රටට හදුන්වාදුන් ITN සභාපති සුදත් රෝහණටත් කොරෝනා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka