භූ විද්‍යා සමීක්ෂණ සහ පතල් කාර්යාංශය යටතේ ක්‍රියාත්මක වන GSMB Technical Services (Pvt) Ltd හී ප්‍රධාන විධායක තනතුර සදහා පොහොට්ටු පක්ෂ පාර්ලිමේන්තු මන්ත්‍රී නාමල් රාජපක්ෂ මහතා නම් දෙකක් යෝජනා කර තිබෙන බව මාධ්‍ය වාර්තා කර ඇත.
පරිසර විෂය භාර අමාත්‍යවරයා වන නසීර් අහමඩ් වෙත පාර්ලිමේන්තු ලිපි ශිර්ෂය සහිත ලිපියක් මගින් පාර්ලිමේන්තු මන්ත්‍රී නාමල් රාජපක්ෂ මහතා මෙම ඉල්ලීම ලිඛිතව ඉදිරිපත් කර තිබේ.
ඒ අනුව අදාල තනතුරු සදහා එම්එච්ඩීපී කරුණාරත්න සහ ඉෂාර හේමන්ත යන අයගේ නම් නාමල් රාජපක්ෂ විසින් යෝජනා කර තිබේ.
ඔවුන් දෙදෙනාගෙන් ඉෂාර හේමන්ත ප්‍රාදේශීය සභා මන්ත්‍රීවරයෙකු මෙන්ම ඩී.වී චානක මන්ත්‍රීවරයාගේ පෞද්ගලික ලේකම්වරයෙකු ලෙසද කටයුතු කළ අයෙකි.
ඔවුන් දෙදෙනාගේ නම් යෝජනා කරමින් නාමල් රාජපක්ෂ මන්ත්‍රීවරයා අගෝස්තු 06 වන දා සිය ඉල්ලීම පරිසර අමාත්‍ය නසීර් අහමඩ් වෙත යොමු කර තිබෙන අතර පරිසර අමාත්‍යවරයා විසින් අදාල තනතුර සදහා එම්.එච්.ඩී.පී කරුණාරත්න යන අය පත් කර තිබේ.
ඊට අදාල පත්වීමේ ලිපිය අගෝස්තු 10වන දා නිකුත් කර තිබේ.
The post රාජපක්ෂවරුන්ගේ තිරය පිටුපස සිට පාලනය එළියට..! පතල් කාර්යාංශයේ ප්‍රධාන විධායක තනතුරට නාමල් පරිසර ඇමැතිට නම් දෙකක් යවයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka