රාජගිරිය STF කඳවුරේ 23කට කොරෝනා

 හුදෙකලා කර තිබෙන රාජගිරිය පොලිස් විශේෂ කාර්ය බලකා කඳවුරෙන් කොවිඩ් 19 ආසාදිතයින් 23ක් වාර්තා වී ඇත. 

මේ වන විට ආසාදිතයින් 5249ක් සුවය ලබා ඇති අතර තවත් 6665ක් රෝහල් ගතව ප්‍රතිකාර ලබමින් සිටියි. 

ඊයේ දිනය වන විට දෙවන කොවිඩ් 19 රැල්ල ආරම්භ වූ දිවුලපිටිය හා පෑළියගොඩ පොකුර 7857ක් දක්වා ඉහළ ගොස් තිබුණු අතර වැඩි ආසාදිතයින් ගණනක් ඊයේ දිනයේත් වාර්තා වී තිබුණේ ගම්පහ දිස්ත්‍රික්කයෙනි. එම ගණන 90ක් ලෙස දැක්වෙයි. 

ඊයේ පස්වරුව වන විට කෑගල්ල දිස්ත්‍රික්කයේ හෙම්මාතගම,මාවනැල්ල, බුලත්කොහුපිටිය පොලිස් බල ප්‍රදේශ සහ ගලිගමුව ප්‍රාදේශීය සභා බල ප්‍රදේශයත් කුරුණෑගල දිස්ත්‍රික්කයේ ගිරිඋල්ල පොලිස් බල ප්‍රදේශයත් හුදෙකලා ප්‍රදේශ වශයෙන් නම් කරන ලදී. 

The post රාජගිරිය STF කඳවුරේ 23කට කොරෝනා appeared first on ColomboXnews.