ඉදිරි දින කිහිපය තුළදී අමාත්‍ය මණ්ඩල සංශෝධනයක් සිදුකිරීමට නියමිත අතර එහිදී සෞඛ්‍ය, ප්‍රවාහන, විදුලිබල හා බලශක්ති යන අමාත්‍ය ධුරවල සංශෝධනයක් සිදුවනු ඇති බව දේශපාලන ආරංචි මාර්ග පවසයි. එම අමාත්‍ය ධුර රාජිත සේනාරත්න, කුමාර වෙල්ගම, දුමින්ද දිසානායක යන මන්ත්‍රීවරුන් අතර බෙදී යනු ඇති බවටද දේශපාලන ආරංචි මාර්ග සඳහන් කරයි. මේ වනවිට එම අමාත්‍ය ධුර දරන කෙහෙලිය රඹුක්වැල්ල, බන්දුල ගුණවර්ධන සහ කංචන විජේසේකර යන අමාත්‍යවරුන්ට වෙනත් අමාත්‍ය ධුර හිමිවනු ඇති බව වාර්තා වෙයි.
මීට අමතරව නව කැබිනට් අමාත්‍යවරුන් ලෙස වජිර අබේවර්ධන, ජීවන් තොණ්ඩමන් යන පාර්ලිමේන්තු මන්ත්‍රීවරුන්ද දිවුරුම් දීමට නියමිත බවයි එම ආරංචි මාර්ග සඳහන් කළේ.
මීට අමතරව තවත් රාජ්‍ය අමාත්‍යවරුන් කිහිපදෙනෙකු ද ඉදිරියේදී දිවුරුම් දීමට නියමිත බව වාර්තා විය.
අයවැය තෙවන වර කියැවීමේ ඡන්ද විමසීමෙන් පසු යළි අමාත්‍ය මණ්ඩල සංශෝධනයක් සිදු කිරීමට නියමිත බව රජයේ ආරංචි මාර්ග පවසනවා.
අමාත්‍ය සහ රාජ්‍ය අමාත්‍ය ධුර ලබාදීම පිළිබඳව සාකච්ඡා මේ වනවිට අවසන් අදියරට පැමිණ ඇති බව දේශපාලන ආරංචි මාර්ග වැඩිදුරටත් සඳහන් කරයි.
මේ අතර සමගි ජන බලවේගය නියෝජනය කරන මන්ත්‍රීවරුන් කිහිපදෙනෙකු ද ඉදිරියේදී ආණ්ඩුවට සහාය පළකිරීම සඳහා එක් වනු ඇති බව දේශපාලන ආරංචි මාර්ග සඳහන් පෙන්වා දෙයි.
ඒ අනුව, සමගි ජන බලවේගයට සහාය පළ කරන සුළු පක්ෂවල නායකයින් කිහිපදෙනෙකුට ද ඉදිරියේදී ආණ්ඩුවේ අමාත්‍ය ධුර හිමිවනු ඇති.
කෙසේ වෙතත් ශ්‍රී ලංකා පොදුජන පෙරමුණෙන් ජනාධිපති රනිල් වික්‍රමසිංහ මහතාට ලිපියක් යොමු කර තිබෙනවා.
ඒ ලිපිය මගින් සඳහන් කර ඇත්තේ අමාත්‍යවරුන් ලෙස පත් කළ යුතු යැයි සඳහන් මන්ත්‍රීවරුන්ගේ ලැයිස්තුවක් බවයි වාර්තා වන්නේ.
දැනට කැබිනට් අමාත්‍යවරුන් 20 දෙනෙකු සහ රාජ්‍ය අමාත්‍යවරුන්න 38 දෙනෙකුත් ආණ්ඩුවේ ඇමති ධූරන දරනවා.
The post රනිල් නැවතත් කූට්ටම අනයි..! රාජිත, වෙල්ගම, දුමින්ද, වජිර, ජීවන් ඇතුළු පිරිසකට කැබිනට් ඇමතිධූර..! appeared first on ColomboXnews.
Source From Colomboxnews
Author: Kamal Dhammika
#SriLanka #News #lka