රනිල්ගේ වැට් එක ටෙලිෆෝන් බිලත් උස්සයි

වැට් බද්ද ඉහළ දැමීම හේතුවෙන් විදුලි සන්දේශ සේවාවන්ට අදාළ බදු අද (ජන. 1දා) සිට සියයට 42ක ප්‍රතිශතයකින් ඉහළ යන බවට දුරකතන සමාගම් පාරිභෝගිකයන්ට දැනුම් දී තිබේ.

ඒ අනුව ජංගම දුරකතන ඇමතුම් ගාස්තු, ඉන්ටර්නෙට් සේවා ගාස්තු, ගෙවුම් රූපවාහිනි සේවා ගාස්තු ඇතුළු එම සමාගම් සපයන සියලු සේවාවන්ට අය කරන ගාස්තු ඉහළ දමා ඇත.

දේශීය ඇමතුම්, කෙටි පණිවුඩ, අමතර සේවාවල මුළු බදු අගය සියයට 42.02ක් ලෙසත්, ඩේටා සහ විදේශ ඇමතුම්වල මුළු බදු අගය සියයට 23.50ක් ලෙසත් වැඩිකර ඇත.

පෙරගෙවුම් ඩේටා කාඩ්පත් කිහිපයක ඩේටා ප්‍රමාණය අඩුකර ඒවායේ බදු ඇතුළත් මිල නොවෙනස්ව පවත්වාගෙන යෑමට ඇතැම් දුරකතන සමාගම් තීරණය කර තිබේ.

මෙතෙක් සියයට 15ක්ව පැවති වැට් බද්ද සියයට 18ක් දක්වා ඉහළ දැමීම සහ විදුලි සන්දේශ සේවා බද්ද සියයට තුනකින් ඉහළ යාම සැලකිල්ලට ගෙන දුරකතන සමාගම් මෙසේ ගාස්තු ඉහළ දමා ඇත.

The post රනිල්ගේ වැට් එක ටෙලිෆෝන් බිලත් උස්සයි appeared first on ColomboXnews.