වත්මන් ආණ්ඩුවට විරෝධය පළ කරමින් අද (මැයි 6) දීපව්‍යාප්තව හර්තාල් ව්‍යාපාරයක් ක්‍රියාත්මක ය.
ඒ අනුව, ක්ෂේත්‍ර රැසක වෘත්තීය සමිති රාජකාරී කටයුතුවලින් ඉවත්වී ඊට සහය පළ කිරීමට කටයුතු කර ඇත.
ඒ හේතුවෙන් ප්‍රවාහ, අධ්‍යාපන, බැංකු ඇතුළු ක්ෂේත්‍ර රැසක කටයුතුවලට බාධා එල්ල වී ඇතැයි අප වාර්තාකරුවෝ පැවසූහ.
එසේ වුව ද දුම්රිය ගමනා ගමන අධිකාරි ගාමිණී සෙනෙවිරත්න ඊයේ ප්‍රකාශ කළේ, දුම්රිය දෙපාර්තමේන්තුවේ දුම්රිය නියාමක, රියැදුරු ඇතුළු ප්‍රධාන වෘත්තීය සමිති හර්තාලයට සහය නොදක්වන බැවින් අදට නියමිත දෛනික දුම්රිය ගමන්වාර 275ක් අවලංගු කිරීමකින් තොරව ධාවනය කිරීමට අපේක්ෂා කරන බව ය.
පෞද්ගලික බස් සංගම් ද ඊයේ (මැයි 5) මධ්‍යම රාත්‍රියේ සිට බස් රථ ධාවනයෙන් ඉවත්ව සිටින අතර ලංකා ගමනාගමන මණ්ඩලයේ බස් රථ සාමාන්‍ය පරිදි ධාවනයට කටයුතු කරන බව ය එම මණ්ඩලයේ සභාපති කිංස්ලි රණවක මහතා පැවසීය.
අද උදෑසන වන විට කොළඹ බොහෝ ප්‍රදේශ ජනශූන්‍ය වී ඇති ආකාරය දක්නට ලැබුණු බව අප වාර්තාකරුවෝ පැවසූහ.
එමෙන් ම, අද ක්‍රියාත්මක හර්තාලය හේතුවෙන් දිවයිනේ සෙසු ප්‍රදේශවල ද පාළු ස්වභාවයක් දක්නට ලැබුණු බව ඔවුහු සඳහන් කළහ.
ඔවුන් සඳහන් කළේ, රාජ්‍ය ආයතන සහ ආර්ථික මධ්‍යස්ථානවල ද කටයුතු හර්තාලය හේතුවෙන් අකර්මන්‍ය වී ඇති අතර වෙළෙඳසල්, කඩසාප්පු ආදිය මෙන් ම පාසල්, පෞද්ගලික පන්ති, බස් නැවතුම්පොළ ආදී පොදු ස්ථාන ද මේ වනවිට පාළු ස්වභාවයක් ගෙන ඇති බව ය.
ඇතැම් ප්‍රදේශවල ආණ්ඩුවට විරෝධය පළ කරමින් උද්ඝෝෂණ ද ක්‍රියාත්මක බව අප වාර්තාකරුවෝ සඳහන් කළහ.
The post රට පුරා හර්තාල්: නගර රැසක් ජනශූන්‍ය වෙයි (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka