රජීව් ගාන්ධි ඝාතනයේ වරදකරුවන් නිදහස් කිරීමට ඉන්දීය අධිකරණය නියෝග කරයි

1991 වසරේ දී, ඉන්දියාවේ හිටපු අගමැති රජිව් ගාන්ධි ඝාතනය සම්බන්ධයෙන් වරදකරුවන්වූ සයදෙනෙකු නිදහස් කිරීමට ඉන්දීය ශ්‍රේෂ්ඨාධිකරණය නියෝගකර තිබේ.

එස්. නාලිනී සහ ආර්. පී. රවිචන්ද්‍රන් යන වරදකරුවන්ගෙන්, තමා නිසිකලට පෙර නිදහස් කරන ලෙස ඉල්ලීමක් ඉදිරිපත්වීමෙන් පසු මෙම නියෝගය නිකුත්විය.

මෙම නඩුවේ තවත් වරදකරුවෙකු වූ ඒ. ජී. පෙරාරිවාලන් පසුගිය මැයි මාසයේ දී ශ්‍රේෂ්ඨාධිකරණය විසින් නිදහස් කිරීමෙන් පසුව ඔවුන් මෙම පෙත්සම ගොනුකර තිබුණි.

වරදකරුවන් සත්දෙනාම ජීවිතාන්තය දක්වා සිරදඬුවම් විඳිමින් සිටි අතර, වසර 30කට වැඩි කලක් සිරගතව සිටි ඇත.

සිකුරාදා සිය නියෝගය හරහා ශ්‍රේෂ්ඨාධිකරණය කියා සිටියේ මෙම කාලය තුළ සිරකරුවන්ගේ හැසිරීම “සතුටුදායකව” පැවත ඇති බව යි.

1991 මැයි මාසයේ දී සිදුවූ ගාන්ධි ඝාතනය සැලකුණේ, 1987 දී ඔහු අගමැතිව සිටිය දී ඉන්දීය රජය සාමසාධක භටයන් එවීම හරහා ශ්‍රී ලංකාවේ සිවිල් යුද්ධයට සම්බන්ධවීමට එරෙහිව ශ්‍රී ලංකාවේ දෙමළ කොටින් විසින් කළ පළිගැනීමක් ලෙසිනි.

ගාන්ධි නායකත්වය දැරූ කොංග්‍රස් පක්ෂය වරදකරුවන් නිදහස් කිරීමට අධිකරණය ගත් තීරණය විවේචනය කළේ ය.

“ඝාතකයින් නිදහස් කිරීමට ශ්‍රේෂ්ඨාධිකරණය ලබාදුන් තීන්දුව කිසිසේත්ම පිළිගත නොහැකි අතර සම්පූර්ණයෙන්ම දෝෂසහගත යි. එය කිසිසේත්ම පිළිගත නොහැකිබව කොංග්‍රස් පක්ෂය කියා සිටිනවා,” පක්ෂයේ ප්‍රකාශක ජයරාම් රමේෂ් නිවේදනයක් නිකුත්කරමින් කියා සිටියේ ය.

“මෙම ගැටළුව සම්බන්ධයෙන් ශ්‍රේෂ්ඨාධිකරණය ඉන්දියාවේ චෛතන්‍යය නොසලකා ක්‍රියා කිරීම ඉතාමත් කණගාටුදායක යි,” ඔහු වැඩිදුරටත් කියා සිටියේ ය.

මුල දී, 1998 දී පැවැත්වුණු නඩු විභාගයක් මඟින් මරණ දණ්ඩනයට නියම කරන ලද පුද්ගලයින් 25 දෙනෙකු අතර සිකුරාදා නිදහස් කිරීමට නියෝගය නිකුත්වූ වරදකරුවන් ද විය.

ශ්‍රේෂ්ඨාධිකරණය වරදකරුවන්බව තීරණය කළේ ඔවුන්ගෙන් සත්දෙනෙකු පමණි. වරදකරුවන්ගෙන් සිව්දෙනෙකුට – පෙරාරිවාලන්, එස්. නාලනී, සාන්තන් සහ ස්‍රීහරන් – මරණ දණ්ඩනය නියමවූ අතර, තවත් තිදෙනෙකුට ජීවිතාන්තය දක්වා සිරදඬුවම් නියමවිය. ඉතිරි අය සියලු චෝදනාවන්ගෙන් නිදොස්කොට නිදහස් කරන ලදී.

ගාන්ධිගේ වැන්දඹු බිරිඳ සෝනියා ගාන්ධි විසින්, සිරකරු ඒ වන විට ගැබ්ගෙන සිටිනබව පෙන්වමින් ඉදිරිපත්වූ සහන දැක්වීමේ පෙත්සමකට අනුව, 2000 වසරේ දී නාලිනීගේ මරණ දඬුවම ලිහිල් කරනු ලැබුණි.

2014 දී ශ්‍රේෂ්ඨාධිකරණය විසින් පෙරාරිවාලන්, සාන්තන් සහ ස්‍රීහරන් යන අයගේ ද මරණ දණ්ඩනයන් ලිහිල් කළේ, ඔවුන්ගේ සමාව අයැදුම් විභාග කිරීමට ප්‍රමාදවූබවක් පවසමිනි.

අනතුරුව තමිල්නාඩු ප්‍රාන්ත රජය කුමන්ත්‍රණකරුවන් නිදහස් කිරීමට එය ගත් තීරණය ප්‍රකාශයට පත්කළ නමුත්, ප්‍රාන්තය විසින් ඔවුන් නිදහස් කරනු වැලැක්වීම සඳහා ෆෙඩරල් රජය නීතිමය අභියෝගයක් දියත්කළේ ය.

“රජිව් ගාන්ධි ඝාතනය ඉන්දියාවේ ආත්මයට එල්ලකළ පහරකි. ඉන්දියාවේ හිටපු අගමැතිවරයෙකුගේ සහ අපේ ශ්‍රේෂ්ඨ නායකයාගේ මෙන්ම තවත් අහිංසක ඉන්දියානුවන් කිහිපදෙනෙකුගේම ඝාතකයන් නිදහස් කිරීම යුක්තිය පිළිබඳ සියලු මූලධර්මවයන්ට පටහැනි වනු ඇති,” එවකට අගමැතිව සිටි මන්මෝහන් සිං නිවේදනයක් නිකුත් කරමින් කියා සිටියේ ය.

“ත්‍රස්තවාදයට එරෙහි අපගේ සටනේ දී කිසිදු රජයක් හෝ පක්ෂයක් මෘදු නොවිය යුතු ය

The post රජීව් ගාන්ධි ඝාතනයේ වරදකරුවන් නිදහස් කිරීමට ඉන්දීය අධිකරණය නියෝග කරයි appeared first on ColomboXnews.