යූරියා කියන්නෙ යකෙක් නෙමෙයි, රසායනික පොහොර තහනම් වුනේ විෂය නොදන්න පුද්ගලයන්ගෙ උපදෙස් නිසා – කෘෂි ලේකම්

යූරියා යනු භයානක යක්ෂයෙකු නොවෙන බවත් කළයුත්තේ එය නිසි ආකාරයෙන් භාවිතා කිරීම බවත් කෘෂිකර්ම අමාත්‍යාංශ ලේකම් උදිත් කේ. ජයසිංහ මහතා පවසයි. එසේම විෂයානුබද්ධ නොවන පුද්ගලයින්ගේ අනවශ්‍ය මැදිහත්වීම් නිසා රජයේ කාබනික පොහොර වැඩසටහන කඩාවැටුණු බවයි ඒ මහතා සඳහන් කළේ. 

“අපට වගාව සඳහා යූරියා දෙනවා කිව්වාම ඒකෙ ගැටළුවක් පේන්නෙ නෑ. යූරියා කියන්නෙ එහෙම භයානක යක්ෂයෙක් නෙවෙයි. ඒක භාවිතා කරන විදියයි මේකෙ තියෙන්නෙ. කොම්පෝස්ට් වල තියෙන 2% – 3%ක් පමණ වන නයිට්‍රිජන් ප්‍රමාණය මදි. හැබැයි ඒක හොඳ බේසල් එකක් පසට සාරවත් වෙන්න. යූරියා මෙට්‍රික් ටොන් එකක් ඩොලර් 800 – 1000 පමණ වෙනවා. ඉතිං අපි මේ රටේ තියෙන ප්‍රශ්නෙ දන්නවා. ලෝකෙ ඕනෙම රටක යූරියා හොඳ පොහොරක් වුණාට ඒක යෙදීම සඳහා ඉතාම හොඳ එක ගැනීම අපහසුයි. මොකද මේක මුළු ලෝකෙම ගැටළුවක් වෙලා තියෙන වෙලාවක්නෙ. 

දැන් අපි ඊළඟට ඒ සඳහා ඉල්ලා සිටියේ යම්කිසි ආකාරයේ රජයන් අතර හුවමාරු වැඩසටහනක් තුළින් අපේ අතිගරු ජනාධිපතිතුමාත් මැදිහත් වෙලා මේ කන්නයට ඇමෝනියම් සල්ෆේට් හරි, ඒවගේ එවැනි දේකට එමු කියලා. නයිට්‍රිජන් මෙට්‍රික් ටොන් 80,000ක් වී වගාවට ඇස්තමේන්තු කරපු එක ඉතිං දෙන්න වෙනවා. දෙන්නෙ නැත්නම් අස්වැන්න අඩුවීමක් බලාපොරොත්තු වෙන්න වෙනවා. ආහාර සුරක්ෂිතතාවය අංක 1 නම් අපි යට තියෙන අංක වලට ප්‍රමුඛතාවය දෙන්න කලින් අර උඩම තියෙන අංකය ආරක්ෂා කරගන්න ඕනෙ”

ප්‍රශ්නය – රජයෙන් හඳුන්වා දුන්න එක එතකොට සාර්ථක නැහැ කියලා පිළිගන්නවාද ?

“නෑ. ඒක සාර්ථක නෑ නෙවෙයි. මෙහෙමයි. මේ එකපාරට අපේ කරපු වැඩසටහනට දීපු වැරදි උපදේශයක් හෝ එහෙම නැත්නම් මේකෙ විෂයානුබද්ධ නොවන පුද්ගලයො ඇවිල්ලා ඒකෙ අනවශ්‍ය තැන් හයිලයිට් කරන්න ගිහිල්ලා මේ කියන වැඩපිළිවෙලත් කඩාවැටුණා” 

කෘෂිකර්ම අමාත්‍යාංශ ලේකම්වරයා මේ බව පැවසුවේ ඊයේ (21) දිනයේදී මාධ්‍ය වෙත විශේෂයෙන් අදහස් දක්වමිනි. 

The post යූරියා කියන්නෙ යකෙක් නෙමෙයි, රසායනික පොහොර තහනම් වුනේ විෂය නොදන්න පුද්ගලයන්ගෙ උපදෙස් නිසා – කෘෂි ලේකම් appeared first on ColomboXnews.