මෛත්‍රී-රනිල්ට එරෙහි පාස්කු පෙත්සම අද සිට එක දිගට විභාගයට

පාස්කු ඉරිදා මරාගෙන මැරෙන බෝම්බ ප්‍රහාර මාලාව වැළැක්වීමට ක්‍රියා නොකිරීමෙන් එයට අනුබල දුන්නැයි හිටපු ජනාධිපති මෛත්‍රීපාල සිරිසේන, අගමැති රනිල් වික්‍රමසිංහ, හිටපු පොලිස්පති හා ආරක්ෂක ලේකම් ඇතුළු වගකිව යුත්තන්ට එරෙහි පෙත්සම් විභාගය අද (ජූනි 7 සිට දිනපතා විභාගයට ගැනීමට ඊයේ (ජූනි 6) ශ්‍රේෂ්ඨාධිකරණ සප්තපුද්ගල විනිශ්චය මණ්ඩලය තීරණය කළේ ය.

අගරදගුරු (කාදිනල්) මැල්කම් රංජින් පියතුමන් ඇතුළු පූජක පියතුමන්ලා ඇතුළු පිරිසක් විසින් ගොනු කරනු ලැබ ඇති එම පෙත්සම් සියල්ල ම මෙම සප්තපුද්ගල විනිශ්චය මණ්ඩලය හමුවේ විභාග වේ.

අගවිනිසුරු ජයන්ත ජයසූරිය, විනිසුරු බුවනෙක අලුවිහාරේ, විනිසුරු එන්.බී. මුර්දු ප්‍රනාන්දු, විනිසුරු එල්.ටී.බී. දෙහිදෙණිය, විනිසුරු ශිරාන් ගුණරත්න, විනිසුරු ඒ.එච්.එම්.ඩී. නවාස් හා විනිසුරු එස්. තුරෙයිරාජා යන ශ්‍රේෂ්ඨාධිකරණ විනිසුරු මඬුල්ල හමුවේ පෙත්සම් විභාගය සිදු කෙරේ.

ඊයේ අගරදගුරු මැල්කම් රංජිත් කාදිනල්තුමන් වෙනුවෙන් කරුණු දැක්වූ ජනාධිපති නීතිඥ ෂමිල් පෙරේරා මහතා විසින් කරන ලද ඉල්ලීම පරිදි මෙලෙස එම පෙත්සම් විභාගය එක දිගට විභාග කිරීමට තීරණය විය.

The post මෛත්‍රී-රනිල්ට එරෙහි පාස්කු පෙත්සම අද සිට එක දිගට විභාගයට appeared first on ColomboXnews.