මිල වැඩි කිරීමට රජය අවසර දෙන්නේ පාරිභෝගික ජනතාව අසීරුතාවයට පත්නොවීමට – ලසන්ත අලගියවන්න

පාලන මිළ ඉවත් කිරීමෙන් පසු අත්‍යවශ්‍ය ද්‍රව්‍ය වල මිළ වැඩිවන ආකාරය ඇතුළත් අති විශේෂ ගැසට් නිවේදනය අද පස්වරුව වනවිට නිකුත් කිරීමට හැකිවනු ඇතැයි පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා පවසනවා.

ආනයනකරුවන් සමග අද දිනය තුළ සාකච්ඡා කර අවසන් තීරණයක් ගන්නා බවයි කොළඹ අද පෙරවරුවේ පැවති මාධ්‍ය හමුවකදී අමාත්‍යවරයා සඳහන් කලේ.

සිමෙන්ති, එල් පී ගෑස්, තිරිගු පිටි සහ කිරි පිටි මත පනවා තිබූ පාලන මිළ ඉවත් කිරීමට රජය ඊයේ රාත්‍රියේ තීරණය කළා.

මේ අනුව පාන් පිටි කිලෝවක් රුපියල් 10 ක් හෝ ඊට අඩු අගයකින් ඉහළ ගියහොත් බේකරි නිෂ්පාදන මිළ ගණන් ඉහළ නොදැමීමට බේකරි හිමියන් එකඟ වී ඇතැයිද ලසන්ත අලගියවන්න මහතා මෙම මාධ්‍ය හමුවේදී කියාසිටියා.

මිල වැඩි කිරීමට රජය අවසර දෙනු ලබන්නේ වෙළඳපොල තුළ හිඟයක් ඇතිවී පාරිභෝගික ජනතාව අසීරුතාවයට පත්නොවීමේ අරමුණින් බවද පාරිභෝගික ආරක්ෂණ රාජ්‍ය අමාත්‍යවරයා මෙහිදී සඳහන් කලා.

The post මිල වැඩි කිරීමට රජය අවසර දෙන්නේ පාරිභෝගික ජනතාව අසීරුතාවයට පත්නොවීමට – ලසන්ත අලගියවන්න appeared first on ColomboXnews.