මැතිවරණ කොමිසමේ නිලධාරීන් දෙදෙනෙකුට මරණ තර්ජන..!

දුරකථන මඟින් මරණිය තර්ජන එල්ල වී ඇත්තේ මැතිවරණ කොමිසමේ සාමාජිකයන් දෙදෙනකු වන විශ්‍රාමික නියෝජ්‍ය පොලිස්පති කේ.පී.පී. පතිරණ සහ එස්.බී දිවාරත්න වෙත බව මැතිවරණ දෙපාර්තමෙන්තු ආරංචි මාර්ග පවසයි.

ඔවුන්ට ට තම තනතුරුවලින් සභාවෙන් ඉවත්වන ලෙසට දුරකතන ඇමතුම් මඟින් මරණිය තර්ජනය කළ බවට මේ වනවිට පොලිසියට පැමිණිලි කර ඇති අතර පොලිස්පතිවරයා විසින් මෙම විමර්ශන රහස් පොලිසිය වෙත මේ වනවිට භාර දී ඇතැයි වාර්තා වේ.

මැතිවරණ කොමිසමේ සභාපති හැරුණු විට සිටින  සාමාජිකයන්  සිව් දෙනාගෙන් දෙදෙනකු ඔවුන් අතරින් එස්.බී දිවාරත්න පරිපාලන සේවයේ දීර්ඝ කාලීන අත්දැකීම් ඇති ජ්‍යෙෂ්ඨ පරිපාලන නිලධාරියකු වන අතර ඔහු ගේ වට්ස්ඇප් අංකයට ඇමතුමක් ලබා දී ඇති පුද්ගලයකු තමන් අරගලයේ සන්නද්ධ  නායකයා බවත් මැතිවරණ කොමිසමෙන් ඉවත් වන ලෙසටත් තර්ජනය කර ඇති බව වර්තා වේ.

විශ්‍රාමික ජ්‍යෙෂ්ඨ නියෝජ්‍ය පොලිස්පති කේ.පී.පී. පතිරණට නිවසේ රැදී සිටියදී පෙරේදා සිය ජංගම දුරකතනයට ඇමතුමක් ලබාදුන් පුද්ගලයෙකු තමන් අරගලයේ නායකයකු බව පවසමින් ඒ අයුරින්ම තර්ජනය කර ඇත.

මැතිවරණ කොමිසමේ සාමාජිකයින් දෙදෙනෙකුට තර්ජන එල්ල වීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව හරහා පරීක්ෂණයක් ආරම්භ කර ඇති බව අගමැති දිනේෂ් ගුණවර්ධන ද අද ( 19) පාර්ලිමේන්තුවේ දී ප්‍රකාශ කළේය.

The post මැතිවරණ කොමිසමේ නිලධාරීන් දෙදෙනෙකුට මරණ තර්ජන..! appeared first on ColomboXnews.