මාලිමාව වටා රොදබදින ජනතාව දැක මහින්ද තැති ගනී.. රැළිවලට හසු නොවී  ඡන්ද දායකයා සිහි බුද්ධියෙන් ඡන්දය පාවිච්චි කළ යුතු ආකාරය ගැන නිවේදනයක් නිකුත් කරමින් ඡන්ද දායකයන්ට උපදෙස් දෙයි…

අප තවමත් ජීවත් වන්නේ වර්ෂ 2015 දී සමහර ඡන්දදායකයින් අපරීක්ෂාකාරී ලෙස ගත් තීන්දුවල ප්‍රතිවිපාක තුළ බවත් තවත් එවැනි වැරැද්දක් මේ රටට දරාගත නොහැකි වනු ඇති බැවින් තාර්කිකව තමන්ගේ ඡන්දය පාවිච්චි කිරීමට තීරණය කරන ලෙස හිටපු ජනාධිපති මහින්ද රාජපක්ෂ ජනතාවට උපදෙස් දෙමින් නිවේදනයක් නිකුත් කර ඇත.

මැතිවරණයක් ළං වන විට, නොයෙක් ප්‍රචාරණ උපක්‍රම සහ සමාජ මාධ්‍ය මෙහෙයුම් හරහා හරහා ජනතාව කුලප්පු කර ඔවුන් කිසිදු වගවිභාගයකින් තොරව කඩිමුඩියේ  අන්ධ ලෙස කිසියම් දිශාවකට  රැගෙන යෑමේ  උත්සාහයන් නැවත වරක් තමන් දකින බව ද හිටපු ජනාධිපතිවරයා කියයි.

ඔහු පවසන්නේ ඉදිරි මැතිවරණවලදී ජනතාව කුමණ තීරණයක් ගත්තත් එය තාර්කි චින්තනය සහ නිවැරදි කරණු මත පදනම් වූ තීරණයක් විය යුතු බවය.

සෑම පුද්ගලයෙක්ම තමන් ඡන්දය දෙන දේශපාලන පක්‍ෂයේ බදු ප්‍රතිපත්තිය සහ අතීත ආර්ථික භාවිතයන් පිළිබඳව විශේෂ අවධානයක් යොමු කළ යුතු බව හිටපු ජනාධිපති මහින්ද රාජපක්ෂ එම නිවේදනය හරහා ඡන්ද දායකයන්ට උපදෙස් දෙයි.

ජනාධිපති රනිල් වික්‍රමසිංහ  මේ මොහොතේ සාර්ථකව නීතිය ප්‍රතිෂ්ඨාපනය කර ඇති බවත් එම නිසා ශ්‍රී ලංකා පොදුජන පෙරමුණේ මූලික යුතුකම වන්නේ ඉදිරි ජාතික මැතිවරණය දක්වා ස්ථාවර රජයක් තහවුරු කිරීම බවත් හිටපු ජනාධිපතිවරයා එම නිවේදනයේ සඳහන් කරයි.

කෙසේ වෙතත් මෙම නිවේදනය හරහා පෙන්නුම් කරන්නේ මේ වනවිට රටපුරා ජනතාව ජාතික ජනබලවේගය සමග එකතුවීම හරහා අනුර ප්‍රමුඛ මාලිමාව කෙරෙහි තබා ඇති විශ්වාසය හමුවේ පොදුජන පෙරමුණ සහ රාජපක්ෂ පවුල දැඩිසේ කලබලයට පත්වී ඇති බව යැයි දේශපාලන විචාරකයින් පෙන්වා දෙයි.

එම නිවේදනය පහත දැක්වේ.

The post මාලිමාව වටා රොදබදින ජනතාව දැක මහින්ද තැති ගනී.. රැළිවලට හසු නොවී  ඡන්ද දායකයා සිහි බුද්ධියෙන් ඡන්දය පාවිච්චි කළ යුතු ආකාරය ගැන නිවේදනයක් නිකුත් කරමින් ඡන්ද දායකයන්ට උපදෙස් දෙයි… appeared first on ColomboXnews.