මාලිමාවේ බොරැල්ල ආසන සමුළුවට අනවසරයෙන් ඇතුළුවීමට ගිය පොහොට්ටුවේ හිටපු පලාත්සභා මන්ත්‍රී උපාලි කොඩිකාර රැස්වීම් භූමියෙන් එලවා දමයි (වීඩියෝ)

ජාතික ජනබලවේගයේ අද (27) පැවැත්වෙන බොරැල්ල ආසන සමුළුවට තවත් පිරිසක් සමග අනවසරයෙන් ඇතුළුවීමට ගිය පොහොට්ටුවේ හිටපු පලාත්සභා මන්ත්‍රී උපාලි කොඩිකාර රැස්වීම් භූමියෙන් ඉවත් කිරිමට සංවිධායකයින් කටයුතු කර තිබේ.

වර්තමාන දේශපාලනය තුල ජාතික ජනබලවේගය ප්‍රබල භූමිකාවක් ඉටුකරමින් රටපුරා ඔවුන්ගේ ආසන සමුළු ගොඩනගමින් යන අතර ඒ සදහා විශාල ජනතා සහභාගිත්වයක්ද දක්නට ලැබේ. එවන් තත්ත්වයක් තුල පොහොට්ටුවේ මන්ත්‍රීවරයෙකු වන උපාලි කොඩිකාර මහතා තවත් පිරිසක් සමග මෙලෙස මාලිමාවේ සමුළුවකට අනවසරයෙන් ඇතුළුවුයේ කුමන අරමුණකින්ද යන්න පැහැදිලි නොමැත

අද බොරුල්ල වනාතමුල්ල ප්‍රෙද්ශයේදි මේ මොහෙත වනවිට ජාතික ජනබලවේගයේ නායක අනුර කුමාර දිසානායක මහතාගේ ප්‍රධානත්වයෙන් එම පක්ෂයේ ආසන සමුළුව පැවැත්වේ.

පසුගිය මහින්ද රාජපක්ෂ පාලන කාලයේ උපාලි කොඩිකාර මහතා බස්නාහිර පලාත් සභාවේ හිටපු අමාත්‍යවරයෙකුද වන අතර මහරගම හිටපු නගරාධිපතිනී කාන්ති කොඩිකාර මහත්මියගේ ස්වාමි පුරුෂයාද වේ.

The post මාලිමාවේ බොරැල්ල ආසන සමුළුවට අනවසරයෙන් ඇතුළුවීමට ගිය පොහොට්ටුවේ හිටපු පලාත්සභා මන්ත්‍රී උපාලි කොඩිකාර රැස්වීම් භූමියෙන් එලවා දමයි (වීඩියෝ) appeared first on ColomboXnews.