මාලදිවයින අල්ලන්න නායකත්වය දුන් ප්ලොට් නියෝජ්‍ය නායක රාඝවන් දිවියෙන් සමු ගනී

1988 වසරේ දී අබ්දුල් ගයුම්ගේ පාලනය යටතේ පැවැති මාලදිවයින ආක්‍රමණය සඳහා ගිය ප්ලොට් සංවිධානයේ (දෙමළ ඊළාම් මහජන විමුක්ති සංවිධානය – The People’s Liberation Organization Of Tamil Eelam) නියෝජ්‍ය නායකයාව සිටි ආර්.රාගවන් හෙවත් Velayutham Nallanathar හෘදයාබාධයක් හේතුවෙන් මිය ගොස් ඇති බව දෙමළ දේශපාලන ආරංචි මාර්ග වාර්තා කරනවා.

උමා මහේෂ්වරන් නායකත්ය දැරූ ප්ලොට් සංවිධානය මෙම මෙහෙයුම සඳහා කුලී හේවායන් ලෙස 80 දෙනෙක් සම්බන්ධ කළ බවත් එය ඇමරිකන් ඩොලර් මිලියනයක ගනුදෙනුවක් බවත් වාර්තා වුවද ප්ලොට් සංවිධානය පවසා තිබුණේ එය කුලී කටයුත්තක් නොව තමන්ගේ දේශපාලන ක්‍රියාමාර්ගයක් බවයි.

අන්තාවාදී ලෙස සහ ජනතාව පෙළන ගයුම් පාලනය පෙරළා දැමීම පිණිස ජාත්‍යන්තර දේශපාලන කණ්ඩායමක් වන තමන් මැදිහත් වූ බවයි එහි නායක උමා මහේෂ්වරන් කියා තිබුණේ.

ගයුම්ගේ ඉල්ලීමකට අනුව ඉන්දීය අගමැති රජීව් ගාන්ධි හමුදා මැදිහත්වීමක් හරහා එකී මෙහෙයුම ව්‍යර්ථ කර දමා පාලන බලය යළි ගයුම් වෙත ලබා දුන්නා.

මෙම ආක්‍රමණය සඳහා ගිය පිරිසට නායකත්වය දුන්නේ ආර්.ආර් හෙවත් ආර්.රාගවන් වන සටන්කරුවායි. ඔහු පසුව වෙනත් දේශපාලන කටයුතුවලද නියැළුණා. දෙමළ ඊළාම් ජනතා විමුක්ති කසාගම් පක්ෂය, එහි මහජන පෙරමුණ වන ප්‍රජාතන්ත්‍රවාදී ජනතා විමුක්ති පෙරමුණේ නායකයා ලෙසද ප්‍රජාතන්ත්‍රවාදී දෙමළ ජාතික සන්ධානයේ ලේකම් ලෙසද මෙම ප්‍රවීණ දෙමළ සටන්කාමියා කටයුතු කළා.

The post මාලදිවයින අල්ලන්න නායකත්වය දුන් ප්ලොට් නියෝජ්‍ය නායක රාඝවන් දිවියෙන් සමු ගනී appeared first on ColomboXnews.