පසුගිය මහින්ද රාජපක්ෂ පාලන සමයේ දැඩි කතාබහට ලක්වු ශ්‍රී ලංකා නාවුක හමුදාවේ නාවුක හමුදාපතිවරයෙකු ලෙස කටයුතු කර පසුව නිශ්ශංක සේනාධිපතිගේ දුෂිත ඇවන්ගාඩ් ව්‍යාපාරයේ සේවය නිරතව සිටි දයා සඳගිරි මහතා දයා රත්නායකගේ අඩිපාරේ යමින් සජිත් පේමදාස සමග එක්වී තිබේ. දයා සඳගිරි විපක්ෂ නායක සජිත් ප්‍රේමදාස හමු වී සිය දේශපාලන ගමනට සහයෝගය පළ කිරීමේ අරමුණින් සමගි ජන බලවේගය හා එක් වූ බව එම පක්ෂය නිල වශයෙන් වාර්තා කර තිබේ.
එහි දී විපක්ෂ නායක සජිත් ප්‍රේමදාස විසින් හිටපු නාවික හමුදාපති දයා සඳගිරි සමුද්‍රීය හා නාවුක ප්‍රතිපත්ති පිළිබඳ උපදේශකවරයකු ලෙස පත් කිරීමට පියවර ගෙන ඇතැයි එම පක්ෂය කියයි.
හිටපු නාවුක හමුදාපති දයා සඳගිරි මහතා 2015 සිට නිශ්ශංක සේනාධිපතිගේ ඇවන්ගාඩි ආයතනයේ වර්ෂ ගණනාවක් සේවය කළේය.
ඊට පෙර 2015 ජනාධිපතිවරණයේදී මහින්ද රාජපක්ෂගේ ජයග්‍රහණය වෙනුවෙන් ඔහු සක්‍රීයව වැඩ කළේය. නමුත් මෛත්‍රීපාල සිරිසේනගේ ජයග්‍රහණය දැක ප්රතිථල නිකුත් වෙන්නටත් පෙර ඔහු පැති මාරු කළේය.
හිටපු නාවික හමුදාපතිවරුන් වන දයා සඳගිරි, සෝමසිරි දිසානායක සහ ජයනාත් කොළඹගේ යන අද්මිරාල්වරුන් මෙන්ම හිටපු ගුවන් හමුදාපති එයාර් චීෆ් මාෂල් රොෂාන් ගුණතිලක ද අවන්ට් ගාඩ් මරීටයිම් සමාගමේ සභාපති මේජර් නිශ්ශංක සේනාධිපති සමග එම සාමාගමේ ඉතා ඉහල වැටුපකට සේවය කරන ලදි.
සජිත් පේමදාස විසින් සමගි ජනබලවේගයේ මන්ත්‍රීන්වරුන්ගේ විරෝධය මැද මීට පෙර ගෝඨාභය රාජපක්ෂ සමග සිටි හිටපු හමුදාපතිවරයෙකු වන දයා රත්නායකට තම පක්ෂයේ උපදේශක තනතුරක් ලබාදෙන ලදි. ඒ හේතුවෙන් සමගි ජනබලවේගයේ සභාපති ෆීල්ඩ් මාෂල් සරත් ෆොන්සේකා සහ සජිත් පේමදාස මහතා අතර මේ වනවිට දැඩි වාග් ප්‍රහාරයක්ද ආරම්භවි තිබේ.
සජබ සැලුන් දොර වැහුවේ නැත්තන් අපි තීන්දුවක් ගන්නවා – මන්ත්‍රී 20ක් සජිත්ට අනතුරු අඟවයි
The post මහින්ද ලග සිට මෛත්‍රී ලගට පැන්න ඇවන්ගාඩ් සේනාධිපති ලග වැඩ කල හිටපු නාවික හමුදාපති දයා සඳගිරි සජිත් ලගට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka