මහවිරු සැමරුමට යද්දී සිවාජිලිංගම්ට නයෙක් ගහලා

සර්පයකු දෂ්ට කිරීමෙන් රෝහල් ගත කළ උතුරු පළාත් සභා හිටපු මන්ත්‍රී එම්. කේ. සිවාජිලිංගම් පසුගිය 21 වැනිදා) යාපනය, පේදුරුතුඩුව රෝහල් හදිසි සත්කාර ඒකකයේ ප්‍රතිකාර ලබමින් සිට සාමාන්‍ය වාට්ටුවකට යොමු කළ බව යාපනය පේදුරුතුඩුව රෝහල් ආරංචි මාර්ග පවසයි.

සිවාජිලිංගම් යාපනය වැල්වැටිතුරෙයි ප්‍රදේශයේ පිහිටි සිය කාර්යාලයේ සිට මහවිරු සැමරුමේ වැඩ සැලසුම් කරමින් සිට නිවස වෙත පිටත්ව යාමට ගිය අවස්ථාවේ පසුගිය 20 වැනිදා රාත්‍රියේ මෙලෙස සර්පයකු දෂ්ට කර ඇත. අනතුරුව රෝහල් ගත කළ සිවාජිලිංගම්ගේ තත්ත්වය සාමාන්‍ය අතට හැරෙමින් පවතින බව රෝහල් ආරංචි මාර්ග සඳහන් කරයි.

මෙලෙස සර්ප දෂ්ටනයට ලක්වන අවස්ථාව වනවිට සිවාජිලිංගම් හිටපු පළාත් සභා මන්ත්‍රීවරයා මහවිරු සැමරුවට සූදානම් වෙමින් සිටියේය.

The post මහවිරු සැමරුමට යද්දී සිවාජිලිංගම්ට නයෙක් ගහලා appeared first on ColomboXnews.