මහනුවර තරු හෝටලයක පැවති රාත්‍රී සාදයක දී ඇතිවූ ගැටුමක් සමතයකට පත් කිරීමට ගිය පොලිස් නිලධාරියෙකුට අත කැඩෙන්නට පහර දුන් බවට චෝදනා ලද මහනුවර සමගි ජන බලවේගයේ නගර සභා අපේක්ෂකයෙකුගේ පුත්‍රයෙක් ඇතුළු තරුණයින් 07 දෙනෙක් මහනුවර පොලිසියේ අපරාධ පරීක්ෂණ අංශය මගින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව මේ මස 27 වැනිදා දක්වා බන්ධනාගාරගත කිරීමට නියෝගක කර තිබේ.
මහනුවර වැඩ බලන මහේස්ත්‍රාත් ජගත් පීරිස් විසින් මෙම නියෝගය ලබා දී තිබේ.
අත්අඩංගුවට ගත් තරුණයින් අතර සමගි ජන බලවේගයේ නගර සභා අපේක්ෂකයාගේ පුත්‍රයාට අමතරව ප්‍රසිද්ධ ව්‍යාපාරිකයෙකුගේ පුත්‍රයෙක් , ප්‍රකට මහාචාර්යවරයෙකුගේ පුත්‍රයෙක්, නුවර ප්‍රසිද්ධ වෛද්‍යවරයෙකුගේ පුත්‍රයෙක් ද සිටින බව විමර්ශන අංශ කියයි.
අත්අඩංගුවේ පසුවන තරුණයින් මහනුවර, අරුප්පල, රාගල, පේරාදෙණිය ප්‍රදේශවල පදිංචිකරුවන්ය.
ගැටුම අතර පහර කෑමට ලක්වන නිලධාරියා ඇද වැටෙන අයුරුත්, ඉන් අනතුරුවත් ඔහුට පහර දෙන අයුරුත් සම්බන්ධව සීසීටීවී දර්ශන පරීක්ෂා කිරීමෙන් අනතුරුව අත්අඩංගුවට ගත් තරුණයින් බී වාර්තාවක් මගින් මහනුවර වැඩ බලන මහේස්ත්‍රාත් ජගත් පීරිස් වෙත ඉදිරිපත් කිරීමෙන් පසු මේ මස 27 වැනිදා දක්වා බන්ධනාගාරගත කිරීමට නියෝගක කර තිබේ.
The post මහනුවර හෝටලයකදී පොලිස් නිලධාරියෙකුට අත කැඩෙන්න පහර දුන් සමගි ජන බලවේගයේ නගර සභා අපේක්ෂකයෙකුගේ පුත්‍රයෙක් ඇතුළු ප්‍රභූ පුත්තු 07ක් බන්ධනාගාරගත කරයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka