සැමියා රාත්‍රි මසුන් ඇල්ලීමට ගිය වෙලාවේ මිතුරාගේ නිවසට ඇතුළු වී බිරිද දූෂණය කළ මිතුරෙකුට හම්බන්තොට පූර්වගාමී මහාධිකරණ විනිසුරු තාමර තෙන්නකෝන් මහතා වසර 15ක බරපතළ වැඩ සහිත සිර දඩුවමක්, රුපියල් 25000ක දඩයක් හා රුපියල් දෙලක්ෂ පනස් දහසක වන්දියන් ගෙවන ලෙස අද (18) නියෝග කෙරුණි.
මෙලෙස සිර දඩුවම් නියම වුයේ ලුණුගම්වෙහෙර පදිංචි ආර්.වී.සුගත් කුමාර නැමති විවාහක පුද්ගලයෙකුටය.
චුදිත 2010.06.28 දින ලුණුගම්වෙහෙර පදිංචි සිය මිතුරා රාත්‍රි මසුන් ඇල්ලීමට ගිය අවස්ථාවේදී හොර රහසේ මිතුරාගේ නිවසට ඇතුළු වී ඔහුගේ බිරියට මරණීය තර්ජනය කර බරපතළ ලෙස දූෂණය කර තිබේ.
සිද්ධිය පිළිබදව අගතියටපත් කාන්තාව විසින් ලුණුගම්වෙහෙර පොලිසිය සිදුකළ පැමිණිල්ලට අදාලව චුදිත අත්අඩංගුවට ගෙන තිස්සමහාරාම මහේස්ත්‍රාත් අධිකරණයට ඉදිරිපත් කර තිබේ.එහිදී පැවති මුලික නඩු විභාගයෙන් පසු නීතිපති වරයා විසින් 2013.12.30 වන දින හම්බන්තොට මහාධිකරණය හමුවේ අධිචෝදනා ගොනු කරන ලදි.
ඒ අනුව පැවති නඩු විභාගයේදී චුදිතට එරෙහිව නගා තිබූ අධි චෝදනාව පැමිණිල්ල විසින් සාධාරණ සැකයෙන් ඔබ්බට ඔප්පු කිරීම හේතුවෙන් පූර්වගාමී හම්බන්තොට මහාධිකරණ විනිසුරු තාමර තෙන්නකෝන මහතා විසින් චුදිතට දඩුවම් නියම කෙරුණි.
ඒ අනුව චුදිතට වසර 15ක බරපතළ වැඩ සහිත සිර දඩුවමක් නියම කෙරුණු අතර රුපියල් 25000ක දඩයක්ද නියම කෙරුණි. දඩ නොගෙවන්නේ නම් අමතර වසරක සිර දඩුවමක් නියම කෙරුණි. මීට අමතරව අගතියට පත් කාන්තාව සදහා රුපියල් ලක්ෂ දෙකහමාරක වන්දි මුදලක් ගෙවන ලෙසටද මහාධිකරණ විනිසුරු වරයා නියම කල අතර එය නොගෙවන්නේ නම් ඉහත දඩවම් වලට අමතරව වසර 03ක සිර දඩුවමක්ද නියම කෙරුණි.
නීතිපති වරයා වෙනුවෙන් රජයේ අධිනීතීඥ ශෙහාන් මුස්තාපා මහතා පැමිණිල්ල මෙහෙයවන ලදි.
The post මරණීය තර්ජන එල්ල කර මිතුරාගේ බිරිය දූෂණය කළ පාප මිත්‍රයා වසර 15ක් හිරේට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka