මයිනාගෝගම අට්ටාල ඉවත් කෙරේ

අධිකරණ නියෝගය ට අනුගතවී අරලියගහ මන්දිරය ඉදිරිපිට උද්ඝෝෂකයින් විසින් ඉදිකර තිබූ අට්ටාල සහ පොලීසිය විසින් පදික වේදිකාවේ නවතා තිබූ පොලිස් වාහන ඉවත්කිරීම අරඹා තිබේ.

ෙ ඉවත්කරන සෑම පොලිස් වාහනයක් සඳහාම එක අට්ටාලය බැගින් ඉවත්කිරීමට උද්ඝෝෂකයින් එකඟ වී ඇත.

අරලියගහ මන්දිරය ඉදිරිපිට විරෝධතාවයේ නිරත පිරිස් එම ස්ථානයේ පදික වේදිකාව අවහිර වන සේ තබා ඇති සියලු දේපළ හා වාහන එම ස්ථානයෙන් ඉවත්කර ගන්නා ලෙස කොටුව මහෙස්ත්‍රාත් අධිකරණය මගින් එම නියෝගය නිකුත් කරනු ලැබීය

අරලියගහ මන්දිරය ඉදිරිපිට මාර්ගය සහ පදික වේදිකාව මෙම විරෝධතාකරුවන් හේතුවෙන් අවහිර වන බවට පොලීසිය කළ ඉල්ලීම සලකා මෙම නියෝග නිකුත් කර තිබේ. 

“පදික වේදිකාව භාවිත කරන මහජනතාවට හා මාර්ගය භාවිත කරනු ලබන මහජනතාවට කරදර හා බාධා නොවන ආකාරයට සිදුකරනු ලබන සාමකාමී උද්ඝෝෂණ සඳහා මෙම නියෝගය බාධාවක් නොවන බවට ද ආඥාකරමි.” යනුවෙන් මහෙස්ත්‍රාත් මංජුල රත්නායක මහතා විසින් නිකුත් කළ නියෝගයේ වැඩිදුරටත් සඳහන් කර තිබේ.

The post මයිනාගෝගම අට්ටාල ඉවත් කෙරේ appeared first on ColomboXnews.