“මම විදේශ ණය සතයක්වත් අරගෙන නෑ” – ජනපති සියඹලාණ්ඩුවේදී කියයි

පස් වසරක තම ධූර කාලයෙන් ගතවී ඇති වසර දෙකක තුල කිසිදු රටකින් විදේශ ණය ලබාගෙන නොමැති බව ජනාධිපති ගෝඨාභය රාජපක්ෂ මහතා අවධාරණය කරනවා.

කෙසේ වෙතත් ජනාධිපතිවරයා මෙසේ පැවසුවද චීනය, ඉක්දියාව මෙන්ම බංගලාදේශයෙන්ද පසුගිය කාලයේ විවිධ අවස්ථා වල රජය ණය ලබාගත් අතර බංගලාදේශයෙව් ලබාගත් කෙටිකාලීන ණය ගෙවාගැනීමට නොහැකිව කල් ඉල්ලාගැනීමක්ද සිදුවිය.

තම ධූර කාලය තුළ ගොවි ජනතාවට නොමිලේ කාබනික පොහොර බෙදා දෙමින් අනුරාධපුර , පොළොන්නරුව ආදි ප්‍රදේශවල පැතුරගොස් තිබු පිළිකා වැනි දරුණු රෝග සම්බන්ධයෙන් තිත තැබීමට උත්සාහ කළ අයුරු ද ජනපතිවරයා මෙහිදි මතක් කර සිටියේය.

මොණරාගල සියඹලාණ්ඩුව මහා විද්‍යාලය ජාතික පාසලක් ලෙස සිසු අයිතියට පත් කිරීම අද (07) පෙරවරුවේ ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් සිදු කෙරුණ අතර එහිදී අදහස් දක්වමින් ජනපතිවරයා මෙම අදහස් දක්වන ලදී.

රට සංවර්ධනය කිරීමේදී සියලු දෙනාගේ සහයෝගය වැදගත් වන බවද ගෝඨාභය රාජපක්ෂ මහතා අවධාරණය කළා.

හිටපු රාජ්‍ය අමාත්‍ය සුසිල් ප්‍රේමජයන්ත් මහතාගේ අමාත්‍ය ධූරය ඉවත්කිරීම සම්බන්ධයෙන් අදහස් දක්වමින් ජනාධිපතිවරයා ඒ බව කියා සිටියා. පවත්නා රජයේ අමාත්‍ය ධූරයක් දරමින් රජය විවේචනය කිරීම සම්බන්ධව අප්‍රසාදය පළ කල ජනාධිපතිවරයා එසේ රජය අසමත් වන්නට හේතු වන්නේ එම රජයේ අමාත්‍යධූර දරන පුද්ගලයන් රජය සමත් නොකිරීම නිසා බවද පැවසීය.

The post “මම විදේශ ණය සතයක්වත් අරගෙන නෑ” – ජනපති සියඹලාණ්ඩුවේදී කියයි appeared first on ColomboXnews.