‘මම කැබිනට් එකට ක්‍රීඩා පනත ගේන්න හැදුවාම සාගලගේ ප්‍රධානත්වයෙන් ජනාධිපති කමිටුවක් දැම්මා.. සාගල මට යෝජනා එවනවා මේවා දාලා පනත් හදන්න කියලා‘ – ක්‍රීඩා ඇමැති රොෂාන් රනිල්ගේ රෙදි ගලවයි.

ක්‍රිකට් අතුරු කමිටුව පත් කිරීම මුල්කරගෙන තහනම් නියෝගයක් පැනවීම සම්බන්ධයෙන් සහ ක්‍රීඩා පනත වෙනස් කිරීමට ගත් උත්සාහයේදී ජනාධිපතිවරයා ප්‍රමුඛ ජනාධිපති ජ්‍යෙෂ්ඨ උපදේශක සාගල රත්නායක මහතා කළ යෝජනා සම්බන්ධයෙන් ක්‍රීඩා අමාත්‍ය රොෂාන් රණසිංහ මහතා අද පාර්ලිමේන්තුවේදී විශේෂ අනාවරණයක් කළේය.

එහිදී අමාත්‍යවරයා කියා සිටියේ තමන් ක්‍රීඩා පනත වෙනස් කිරීමට ගත් උත්සාහයේදී ජනාධිපතිවරයා, සාගල රත්නායක මහතාගේ ප්‍රධානත්වයෙන් කමිටුවක් පත් කළ බවත්, එම සාකච්ඡාවට තමන්ද සහභාගී වූ බවත්ය.

එහිදී සාගල රත්නායක මහතා තමන්ට පනතට ඇතුල් කිරීම සදහා යෝජනාවලියක් එවූ බවත්, එම යෝජනා පනතට ඇතුළත් කළේ නම් හොරුන්ට පෙරළි පෙරළි සොරකම් කරන බවත් අමාත්‍යවරයා කියා සිටියේය.

එමෙන්ම තේරීම් කමිටුව පත් කිරීම මුල්කරගෙන ජනාධිපතිවරයා එය ඉවත් කරගන්නා ලෙස දැනුම් දුන් බවත්, තමන් ඊට විරෝධය පළ කරමින් ජනාධිපතිවරයාට කැමැති තීන්දුවක් ගන්නා ලෙස දැනුම් දුන් බවත් අමාත්‍යවරයා සදහන් කළේය.

එමෙන්ම හෙට දිනයේදී අධිකරණ තීන්දුව සම්බන්ධයෙන් විශේෂ ප්‍රකාශයක් සිදු කිරීමට පියවර ‌ගන්නා බවද ඇමැතිවරයා සදහන් කර සිටියේය.

The post ‘මම කැබිනට් එකට ක්‍රීඩා පනත ගේන්න හැදුවාම සාගලගේ ප්‍රධානත්වයෙන් ජනාධිපති කමිටුවක් දැම්මා.. සාගල මට යෝජනා එවනවා මේවා දාලා පනත් හදන්න කියලා‘ – ක්‍රීඩා ඇමැති රොෂාන් රනිල්ගේ රෙදි ගලවයි. appeared first on ColomboXnews.