කොවිඩ් 19 රෝග තත්ත්වයෙන් මිය යන ශ්‍රී ලාංකික මුස්ලිම් ජාතිකයින් ආදානය කිරීම සඳහා මාලදිවයිනේ දූපතක් ලබා දීම සම්බන්ධයෙන් එරට රජය නිල වශයෙන් මෙරට විදේශ කටයුතු අමාත්‍යාංශයට කළ දැනුම්දීම පිළිබඳව රජයේ අවධානය යොමුව නැති බව බව ඩේලි මිරර් පුවත්පත වාර්තා කරයි.
මාලදිවයින රජයේ නිල යෝජනාව කැබිනට් මණ්ඩල රැස්වීමේ දී අවධානයට යොමු නොවූ බව කැබිනට් ප්‍රකාශක කෙහෙළිය රඹුක්වැල්ල මහතා ද තහවුරු කළ බව ද එම පුවත්පත පෙන්වා දෙයි.
කොවිඩ් 19 හේතුවෙන් මියයන මුස්ලිම් ජාතිකයින් භූමිදානය කිරීම සඳහා මාලදිවයිනේ ඉඩක් ලබාදීමට සිය රජය තීරණය කළේ ශ්‍රී ලංකාවේ ජනාධිපති ගෝඨාභය රාජපක්ෂ මහතා කළ ඉල්ලීමකට අනුව බවද මාලදිවයින් රජය මීට ටික දිනකට පෙර එළිදරව් කර තිබෙන බවද එම පුවත්පත වාර්තා කරයි.
කොවිඩ් 19 හේතුවෙන් මිය යන මුස්ලිම් ජාතිකයින් භූමිදානය කිරීමට සුදුසු ඉඩමක් මෙරට තුළින් ම සොයා ගන්නා ලෙස අග්‍රාමාත්‍යවරයා මේ වන විට සෞඛ්‍ය අංශ වෙත උපදෙස් දී තිබේ.
The post භූමිදානය ගැන මාලදිවයින් යෝජනාවට රජයෙන් ප්‍රතිචාර නෑ – ඉල්ලිම කලේ ජනපති ගෝඨාභය appeared first on ColomboXnews.
Source From Colomboxnews
Author: Kamal Dhammika
#SriLanka #News #lka