බොරතෙල් මිල ඉහළ ගිහින් – සංස්ථාවටත් පාඩුයි : ඉන්ධන මිල ඉහළ දැමීමට ගම්මන්පිල සැරසෙයි

2019 සැප්තැම්බර් මස 11 වැනි දින සිට මේ දක්වා ඛනිජ තෙල් විකුණුම් මිලෙහි කිසිදු වෙනසක් කොට නොමැති බව බලශක්ති අමාත්‍යවරයා පෙන්වා දෙයි. ඒ වන විට ලෝක වෙළෙඳ පොළේ බොරතෙල් බැරලයක මිල ඇමරිකානු ඩොලර් 60ක් බව ද අමාත්‍යවරයා සඳහන් කරයි.

එහෙත් දැන් එය ඇමරිකානු ඩොලර් 64 දක්වා ඉහළ ගොස් ඇති බව ද අමාත්‍යවරයා පෙන්වා දෙයි.

ලෝක වෙළෙඳ පොළේ බොරතෙල් බැරලයක මිල වැඩිවුවත් දේශීයව පෙට්‍රල් හා ඩීසල් වැඩි කිරීමේ සූදානමක් නොමැති බව බලශක්ති අමාත්‍යවරයා පාර්ලිමේන්තුවේ දී සඳහන් කළේ ඛනිජ තෙල් මිල වැඩි කිරීම පිළිබඳව විපක්ෂයේ හේශා විතානගේ මන්ත්‍රීවරයා ඇසූ ප්‍රශ්නයකට පිළිතුරු දෙමිනි.

තවදුරටත් ලෝක වෙළදපොලේ බොරතෙල් මිල ඉහළ ගොස් රජයට දරා ගැනීමට නොහැකි තත්ත්වයක් ඇති වුවහොත් පමණක් මිල වැඩි කිරීම් පිළිබඳව අවධානය යොමු කිරීමට සිදුවන බවද අමාත්‍යවරයා අවධාරණය කරයි.

The post බොරතෙල් මිල ඉහළ ගිහින් – සංස්ථාවටත් පාඩුයි : ඉන්ධන මිල ඉහළ දැමීමට ගම්මන්පිල සැරසෙයි appeared first on ColomboXnews.