බෙන්ජමින් නෙතන්යාහු හමාස් ත්‍රස්තවාදීන්ට ඩොලර් මිලියන ගණනින් ආධාර දීලා

ඊශ්‍රායලයේ හිටපු අග්‍රාමාත්‍යවරයෙකු වන එහුඩ් ඔල්මෙට් මහතා කන්ෆ්ලික්ට් සෝන් ( Conflict Zone ) නම් අන්තර්ජාල නාලිකාවකට එක් වෙමින් පවසා සිටියේ ඊශ්‍රායලයේ වත්මන් අගමැති බෙන්ජමින්  නෙතන්යාහු මහතා වසර ගනනාවක පටන් හමාස් සංවිධානයට ඩොලර් මිලියන ගණනින් ආධාර කර තිබෙන බවයි.

එසේම ඒ මහතා වැඩිදුරටත් පවසන්නේ මෙම මුදල් කටාර් රාජ්‍යයෙන් ලැබුණු ඒවා බවත් එම මුදල් බෙන්ජමින් නෙතන්යාහුගේ පූර්ණ අනුදැනුම සහ පූර්ණ අනුග්‍රහකත්වය යටතේ හමාස් සංවිධානයට ලබාදුන් බවයි.

ඔහුගේ කරුණු දැක්වීමට අනුව බෙන්ජමින් නෙතන්යාහු 2009 දී බලයට පත්වීමට පෙර හමාස් සංවිධානය විනාශ කිරීමට මැදිහත් වනු ඇති බවට ඊශ්‍රායල් ජනයාට පොරොන්දු වී තිබේ. කෙසේ වුවද නෙතන්යාහුගේ පාලන භාවිතය තුළ දිගින් දිගටම හමාස් ත්‍රස්තයන් බලවත් කිරීමට කටයුතු කර ඇතැයි එහුඩ් ඔල්මෙට් චෝදනා කරයි.

ඊශ්‍රායලයේ පැවැත්ම තහවුරු කිරීමට නම් හමාස් සංවිධානය සහ බෙන්ජමින් නෙතන්යාහුගේ ආණ්ඩුව පරාජය කිරීම අනිවාර්ය බව ඔහු අවධාරනය කරයි.  

https://www.youtube.com/watch?v=Uar3I_LUSyM&t=675s

The post බෙන්ජමින් නෙතන්යාහු හමාස් ත්‍රස්තවාදීන්ට ඩොලර් මිලියන ගණනින් ආධාර දීලා appeared first on ColomboXnews.