බිත්ති දෙකක් අතර සිරවී පැය භාගයක් සිටි දැරියක් මුදවා ගත් මෙහෙයුම – (වීඩියෝ)

පැය භාගයක පමණ කාලයක් කළුතර රෝමානු කතෝලික විදුහලේ වැසිකිලි බිත්තියේ සහ තාප්පයට සිරවී සිටී අවුරුදු හතක දැරියක බේරාගැනීමට කළුතර මහ නගර සභාවේ ගිනි නිවන ඒකකයේ ගිනි භටයින් සමත්ව ඇති බව කළුතර දකුණ පොලිසිය පවසයි.

කළුතර කටුකුරුන්ද රෝමානු කතෝලික විදුහලේ දෙවන වසරේ ඉගෙනුම ලබන සිසුවියක වන කළුතර කටුකුරුන්ද කලමුල්ල ප්‍රදේශයේ පදිංචි හත් හැව්රිදි දැරියක මෙම මෙහෙයුමින් පසු  මෙසේ බේරාගෙන තිබේ.

දැරියක පාසලේ බිත්ති දෙකක සිරවී සිටින බවට කළුතර ආපදා කළමාණාකරණ සහකාර අධ්‍යක්ෂක කර්නල් අරවින්ද අමරසේකර  සහ කළුතර දකුණ පොලිසියේ දැනුම් දීමෙන් ගිනි නිවන භටයින් හයදෙනෙකු ආපදා ගිලන් රථයකින් ස්ථානයට ළගාවී ඇත.

විදුහලේ වැසිකිලි පද්ධතිය සහ තාප්පය අතර දැරිය සිරවි සිට ඇති බවත්, කළුතර මහ නගර සභාවේ ගිනිනිවන ඒකකයේ ආපදා ගිලන් රථයක් ළගාවී ස්පැඩර් නමැති සූක්ෂම උපකරණයක් ආධාරයෙන් හයිඩ්‍රොලික් ක්‍රමයක් ඔස්සේ  බිත්ති දෙකට තෙරපුමක් ලබදී දැරිය බේරාගත් බව එහි ප්‍රධාන ගිනි නිළධාරී ඕ.වී.අයි. පී. ලක්ෂාන් පැවසීය.

කළුතර ආපදා කළමනාකරණ ඒකකයේ යුධහමුදාව සෙබළුන් පිරිසක්ද සහායට ස්ථානයට ළගාවී ඇති බවද පොලිසිය පැවසීය.

The post බිත්ති දෙකක් අතර සිරවී පැය භාගයක් සිටි දැරියක් මුදවා ගත් මෙහෙයුම – (වීඩියෝ) appeared first on ColomboXnews.