බැසිල්ගේ පාර්ලිමේන්තු ගමන කොටඋඩ.. පවුලේ සාකච්ඡා අසාර්ථකයි… බැසිල් ආර්ථික සහ මුදල් නැතිනම් බෑ කියයි.

ජනාධිපති ගෝඨාභය රාජපක්ෂ මහතා සමග අගමැති මහින්ද රාජපක්ෂ සහ බැසිල් රාජපක්ෂ මහතා විශේෂ සාකච්ඡාවක් ඊයේ (03) දහවල් මිරිහානේ පිහිටි ජනාධිපතිවරයාගේ නිවසේදී පැවැති ඇති බව වාර්තා වේ. ඒ බැසිල් රාජපක්ෂ මහතාට ලබාදෙන අමාත්‍යංශ සහ ඊට අනුබද්ධ රාජ්‍ය ආයතන පිලිබදව තීරණයක් ගෑනීම සදහායි.

බැසිල් රාජපක්ෂ මහතාට ලබාදෙන්නේ මුදල් අමාත්‍ය ධුරයද, මුදල් රාජ්‍ය අමාත්‍ය ධුරයද යන්න පිළිබඳව මෙන්ම ඉදිරියේදී ආණ්ඩුව තුළ සිදුකෙරෙන වෙනස්කම් කිහිපයක් සම්බන්ධයෙන්ද මෙහිදී සාකච්ඡා වු බව එම ආරංචිමාර්ග ප්‍රකාශ කරයි. කෙසේ වෙතත් මෙම සාකච්ඡාව තීරණයකින් තොරව අවසන් වී ඇති බව ආරංචිමාර්ග පවසයි. 

බැසිල් රාජපක්ෂ මහතා සාකච්ඡාවට පෙර සිටම දැනුම්දී ඇත්තේ තමන්ට ආර්ථික සහ මුදල් යන කැබිනට් ඇමතිධුර දෙකම අවශ්‍ය බවයි. එසේ නොමැතිව පාර්ලිමේන්තුවට එමෙන් පලක් නොවන බවද ඔහු ප්‍රකාශ කර තිබේ.

මෙහිදී ජනාධිපතිවරයා ආර්ථිකය ගොඩගැනීම සඳහා බැසිල් රාජපක්ෂ මහතාම පැමිණිය යුතු බවට බැසිල්වාදීන් නඟන තර්කය පිලිබද දැඩිව කතා කර ඇති අතර ඒ ඔස්සේ මෙතෙක් රටේ ආර්ථිකය හැසිරවූ ඒ දෙදෙනා අසාර්ථකය යනුවෙන් විපක්ෂය නඟන චෝදනාව තහවුරු වන තත්වයක් උද්ගත වීම වැලැක්විය නොහැකි බවද පවසා තිබේ. විශේෂයෙන් ජනාධිපතිවරයා පෙන්වා දී ඇත්තේ මේ හරහා විපක්ෂය ගෙනගිය “ස’ ෆේල්” නම් ප්‍රචාරණ ව්‍යාපාරයට පදනමක් වැටෙන බවකි. 

මේ අතර  අගමැති මහින්ද රාජපක්ෂ මහතා ද මුදල් අමාත්‍යාංශය සම්පූර්ණයෙන්ම අත්හැරීමට එකගතාවය පලකර නොමැත. තවද බැසිල් රාජපක්ෂ මහතා කිසිදු අදහසක් නොදැක්වීම නිසා සාකච්ඡාවේදී අවසන් තීරණයකට පැමිණීමට නොහැකි වී ඇති බව වාර්තාවේ.

The post බැසිල්ගේ පාර්ලිමේන්තු ගමන කොටඋඩ.. පවුලේ සාකච්ඡා අසාර්ථකයි… බැසිල් ආර්ථික සහ මුදල් නැතිනම් බෑ කියයි. appeared first on ColomboXnews.