බ්‍රිතාන්‍යයේ නව අග්‍රමාත්‍යවරිය ලිස් ට්‍රස් විසින් තමන් අද පසුවරුවේ එම ධූරයෙන් ඉල්ලා අස්වීමට තීරණය කරනු ලැබ ඇති බවට ප්‍රකාශ කළාය. ඒ අනුව ඇය දින 44 ක කාලයක් පමණක් බ්‍රිතාන්‍ය අග්‍රාමත්‍ය ධූරයේ කටයුතු කරමින් එරට ඉතිහාසයේ අඩුම කාලයක් එම ධූරයේ කටයුතු කළ තැනැත්තිය බවටද පත්වූවාය.
ඇය ඩව්නිං වීදියෙන් පිටතදී තමන් ඉල්ලා අස්වන බවට බ්‍රිතාන්‍ය වෙත නිල වශයෙන් දැනුම් දුන්නාය. එයිදී ඇය විසින් “මම තනතුරට පත් වූයේ විශාල ආර්ථික හා ජාත්‍යන්තර අස්ථාවරත්වයක කාලයකයි.කුටුම්භ සහ ව්‍යාපාරවල බිල්පත් ගෙවන්නේ කෙසේද යන්න ගැන කනස්සල්ලට පත්ව සිටිනවා. ඇත්තටම මෙම තත්ත්වය වෙනස් කිරීමට ජනවරමක් සහිතවයි මම තේරී පත්වුයේ. එහිදී බලශක්ති මිල පාලනය කිරීමටත් මම උත්සහ කළා.
ඇත්තටම මම පිලිගන්නවා මම අපෙක්ෂා කළ කටයුතු මට කරගන්න බැරි වුණා කියන කාරණය. ඒ නිසා මම මගේ අස්වීම ගැන රජුන්ටත් නිල වශයෙන් දැනුම් දුන්නා.“ ඒ අනුව ට්‍රස් බ්‍රිතාන්‍යයේ නව අග්‍රමාත්‍යවරයා ලෙස අනුප්‍රාප්තිකයෙකු පත් කරන තෙක් කටයුතු කරනු ඇත.
ට්‍රස් විසින් අග්‍රමාත්‍යධුරයට පත්වීමත් සමඟ හදුන්වා දුන් අතුරු අයවැය බ්‍රිතාන්‍ය අර්ථීකය සම්පූර්ණයෙන්ම කඩා වැටීමකට හේතුවිය. ඒත් සමඟම මුදල් අමාත්‍යවරයා ඉකුත් සිකුරාදා එම ධූරයෙන් ඉල්ලා අස්විය.
කෙසේ වෙතත් මෙම තත්ත්වයක් සමඟ ට්‍රස් හට ඇගේ පක්ෂය අභ්‍යන්තරයෙන්ම දැඩි ප්‍රතිරෝධයක් එල්ලවිය. ඒ අනුව ඊයේ දිනයේ බ්‍රිතාන්‍ය පාර්ලිමේන්තුව තුල ඉතා උණුසුම් විවාධයක්ද ඇතිවයි. එහිදී ට්‍රස් ප්‍රකාශ කර සිටියේ තමන් සටන්කරන්නියක් මිස ඉවත් වන්නියක් නොවන බවයි.
The post බ්‍රිතාන්‍ය අග්‍රාමත්‍යවරිය දින 44න් ගෙදර යයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka