බදියුදීන්ගේ නිවසේ මියගිය ඉෂාලිනීගේ මළසිරුර යළි ගොඩගනී – මරණ පරීක්ෂණය නැවතත්

රිෂාඩ් බදියුදීන් මහතාගේ නිවසේ සේවය කරමින් සිටියදී පිළිස්සීමෙන් මියගිය ඉෂාලිනී දැරියගේ මළ සිරුර යළි ගොඩගැනීමට තීරණය කර තිබෙනවා. මළසිරුර යළි‍ ගොඩගෙන නැවතත් පශ්චාත් මරණ පරීක්ෂණයක් සිදු කිරීමටයි තීරණය කර තිබෙන්නේ.

මෙම සිදුවීම සම්බන්ධයෙන් පරීක්ෂණ පැවැත්වීම සඳහා පත්කර ඇති විමර්ශන කණ්ඩායම පවසන්නේ මළසිරුර යළි ගොඩගැනීම සඳහා අධිකරණ නියෝගයන් ලබා ගැනීමට කටයුතු කරන බවයි.

ඒ අනුව අධිකරනයෙන් ලබාගන්නා අවසරයක් මත සිරුර යළි ගොඩ ගැනීමට නියමිතව තිබේ.

මේ අතර සිදුවීම සම්බන්ධයෙන් තවදුරටත් පරීක්ෂණ කිරීමට ප්‍රධාන පොලිස් පරීක්ෂක වරුණි බෝගහවත්ත ඇතුළු පිරිසක් ඩයගම ප්‍රදේශයට පිටත් යාමට ද නියමිතය.

The post බදියුදීන්ගේ නිවසේ මියගිය ඉෂාලිනීගේ මළසිරුර යළි ගොඩගනී – මරණ පරීක්ෂණය නැවතත් appeared first on ColomboXnews.