පාස්කු පරීක්ෂණ අසම්පූර්ණයි..! නීතිපතිගෙන් පොලිස්පතිට දීර්ඝ ලිපියක්

පාස්කු ප්‍රහාරයේ පරීක්ෂණ සම්බන්ධයෙන් නීතිපති දප්පුල ද ලිවේරා මහතා විසින් පොලිස්පති චන්දන වික්‍රමරත්න මහතා වෙත ලිපියක් යවා තිබේ. ‌පොලීසිය විසින් සිදුකරන ලද පරීක්ෂණ අසම්පුර්ණ බවත් ඒබැවින් ඒ් පිලිබදව වහාම තමන් වෙත වාර්තාවක් ලබාදෙන ලෙසත් මෙයින් දැනුම්දී තිබේ.

නීතිපතිවරයාගේ සම්බන්ධීකරණ නිලධාරිනී, රජයේ නීතිඥ නිශාරා ජයරත්න මෙනෙවිය සඳහන් කරන්නේ, එම ලිපිය මගින් පාස්කු ප්‍රහාරය සම්බන්ධයෙන් අත්අඩංගුවේ පසුවෙන සැකකරුවන් 42කට එරෙහිව ඇති සාක්ෂි සම්බන්ධයෙන් ලිඛිතව තහවුරු කරන ලෙස ඉල්ලා ඇති බවය.

එසේම, තවදුරටත් පරීක්ෂණ සිදු කෙරෙමින් පවතින්නේ ද යන්නත් නීතිපතිවරයා ඉන් වැඩිදුරටත් විමසා ඇත. ඊට හේතුව වශයෙන් ඔහු පෙන්වා දෙන්නේ සැකකරුවන් 5 දෙනෙකු සම්බන්ධයෙන් සිදුකර ඇති පරීක්ෂණ අසම්පූර්ණ බවය.

The post පාස්කු පරීක්ෂණ අසම්පූර්ණයි..! නීතිපතිගෙන් පොලිස්පතිට දීර්ඝ ලිපියක් appeared first on ColomboXnews.