පරිසර ඇමති දේවානි වෙනුවෙන් පෙනී සිටී

ආන්දෝලනයකට තුඩු දී ඇති දුර්ලභ පඬු කරඳ ශාකය (Crudia zeylanica) සහිත අධිවේගී මාර්ග කොටසේ පරිසර ඇගයීම් වාර්තා සිදුකිරීමේදී අඩුපාඩු රැසක් සිදුවී ඇති බව පරිසර අමාත්‍ය මහින්ද අමරවීර මහතා අද(13) පාර්ලිමේින්කුවේදී පවසීහ. පරිසර ඇගයීම් වාර්ථා සකස් කිරීමේදී මෙවැනි දුර්ලභ ශාක ඉවත් වූයේ කෙසේද යන්න පිළිබඳව මේ වන විට පරීක්ෂණ පවත්වමින් තිබෙන බවද පරිසර ඇමැතිවරයා වැඩිදුරටත් කියා සිටී.

ගම්පහ දිසා වන නිලධාරි දේවානී ජයතිලක මහත්මියගේ ක්‍රියා කලාපය නිවැරදි බවත් මෙරට පුරවැසියෙක් සහ පරිසරවේදිණියක් හා රජයේ නිලධාරියෙක් ලෙස ඇයගේ වගකීම ඇය ඉටු කර ඇති බවද කියා සිටී.

මධ්‍යම අධිවේගී මාර්ගයේ මේ කොටස ඉදිකිරීමේදී එක්කෝ මුල් සැලැස්ම වෙනස් කළ යුතු බවත් නොමැතිනම් ජෛව විද්‍යාත්මක හානිය අවම කරගෙන මේ ශාකය වෙන තැනක සිට විය යුතු බවත් අමරවීර ඇමැතිවරයා කියයි.

මේ අතර වනජීවි අමාත්‍ය සී. බී. රත්නායක පාර්ලිමේන්තුවේදී සඳහන් කළේ දේවානි ජයතිලක මහත්මිය ප්‍රසිද්ධිය වෙනුවෙන් වැඩ කරන කෙනෙක් බවයි. ඇගේ ක්‍රියාව උම්මත්තක ක්‍රියාවක් බවට සඳහන් කිරීමටද සී. බී. රත්නායක ඇමතිවරයා පසුබට වුනේ නැත. වනජීවී අධ්‍යක්ෂ ජනරාල්වරයා හරහා ඇයට එරෙහිව පරීක්ෂණයක් පැවැත්වීමට ද සී.බී. රත්නායක ඇමතිවරයා කටයුතු කරන බව වාර්තා විය.

The post පරිසර ඇමති දේවානි වෙනුවෙන් පෙනී සිටී appeared first on ColomboXnews.