‘පක්ෂයට කවුරු ගන්නව ද නැද්ද කියලා මම හොඳට දන්නවා… තැන් තැන්වලට ගිහින් කයිවාරු නොගහා, බැරිනම් යන්න පුලුවන්…‘ – සජිත් ගෙන් ෆොන්සේකාට අනතුරු ඇඟවීමක්

කෘත්‍යාධිකාරී මණ්ඩලය තීරණය විවේචනය කරන්න එන අයට ගත යුතු පියවර නිසි ලෙස ගන්නවා… ජනතා සේවය බැයිනම් යන්න පුලුවන්…

පක්ෂයට ගත යුත්තේ නොගත යුත්තේ කවරෙක්දැයි තමා හොඳින්ම දන්නා බවත් ඒ සම්බන්ධයෙන් බලපෑම් කිරීමට කිසිවෙක් සූදානම් නොවිය යුතු බවත් විපක්ෂ නායක සජිත් ප්‍රේමදාස පැවසුවේය.

ඔහු මේ බව ප්‍රකාශ කළේ ගාල්ල උළුවිටිකේ දුලංගා හෝටලයේ ඊයේ (03)  පැවති  ගාල්ල දිස්ත්‍රික් පළාත් පාලන අපේක්ෂ හමුවකට එක්වෙමිනි. සමගි ජන බලවේග නායකයා තවදුරටත් අවධාරණය කළේ පක්ෂයට පුද්ගලයින් සම්බන්ධ කරගැනීමේ දී පුද්ගලික කාරණා ගැන සැලකිලිමත් වන්නේ පරිණත නොවන පුද්ගලයින් බවත්, තැන් තැන්වල ගොස් විවිධ කතා කියමින් කයිවාරු ගසා  පක්ෂය වට්ටන්නේ නැතිව සිටින ලෙස එම පුද්ගලයින්ගේ ඕනෑකමින් ඉල්ලා සිටින බවත්ය.

තවද විපක්ෂ නායකවරයා දැඩිව කියා සිටියේ කෘත්‍යාධිකාරි මණ්ඩලය ගත් තීන්දු තීරණ විවේචනය කරන අයට විරුද්ධව තරා තිරම නොබලා විනය පරීක්ෂණ පවත්වන බවත් සෘජු තීන්දු ගැනීමේ දී තමා කාටවත් බය නොමැති බවත්ය.  ජනතාවට සේවය කිරීමට බැරිනම් පක්ෂයෙන් ඉවත් වී ගියාට තමන්ගේ කිසිම අකමැත්තක් නැති බවත් විපක්ෂ නායකවරයා පැවසුවේය.

විපක්ෂ නායක සජිත් ප්‍රේමදාස මෙසේ ද කීවේය.

“පක්ෂයට ගත යුතු සහ නොගත යුතු පුද්ගලයන් සම්බන්ධයෙන් බලපෑම් කරන්න එපා. වසර ගණනාවක් අත්දැකීම් ඇති නිසා නිවැරදි දේ මම දන්නවා. ජනතාව වෙනුවෙන් සේවය කරන්න බැරි නම් පක්ෂය හැරදා ගියාට මාගේ  අමනාපයක් නැහැ. පුද්ගලික කරුණු කාරණා කේන්ද්‍ර කර ගෙන පුද්ගලයන් සම්බන්ධ කර ගන්නේ නැහැ. එවැනි පෞද්ගලික කාරණා සම්බන්ධයෙන් සැළකිලිමත් වන්නේ පරිණත නොවන පුද්ගලයන්. දේශපාලනය තුළ පරිණත හා පුළුල් දැක්මක් සහිත පුද්ගලයන් සිටිය යුතුයි.. දුර්වල තැන්වල වෙනස්කම් සිදු කළ යුතුයි. මේ මැතිවරණ වසරේ හිතවත්කම් මත කටයුතු  කරන්න බැහැ. ජනතාව හමුවට ගොස් යුතුකම් ඉටු කළ යුතුයි.”

“තැන්තැන්වල ගොස් විවිධ කතා කියා පක්ෂය වට්ටවන්නේ නැතිව කයිවාරු නොගහ පක්ෂය වට්ටවන්නේ නැතිව කටයුතු කරන ලෙසත් මා ඉල්ලා  සිටිනවා. කෘත්‍යාධිකාරි මණ්ඩලය ගත් තීන්දු තීරණ විවේචනය කරන අයට විරුද්ධව තරා තිරම නොබලා විනය පරීක්ෂණ පවත්වන බවත් සෘජු තීන්දු ගැනීමේ දී තමා කාටවත් බය නොමැති බවත් විපක්ෂ නායක සජිත් ප්‍රේමදාස  වැඩිදුරටත්සදහන් කළේය.”

මෙම අවස්ථාවට හිටපු රාජ්‍ය ඇමති සුජිව සේරසිංහ, ගාල්ල දිස්ත්‍රික් මන්ත්‍රිවරුන් වන ගයන්ත කරුණාතිලක, ශාන් විජේලාල් ද සිල්වා, චන්දිම විරක්කොඩි, හිටපු පාර්ලිමෙන්තු මන්ත්‍රි විජේපාල හෙට්ටිආරච්චි, ඇතුළු පිරිසක් එක්ව සිටියහ.

The post ‘පක්ෂයට කවුරු ගන්නව ද නැද්ද කියලා මම හොඳට දන්නවා… තැන් තැන්වලට ගිහින් කයිවාරු නොගහා, බැරිනම් යන්න පුලුවන්…‘ – සජිත් ගෙන් ෆොන්සේකාට අනතුරු ඇඟවීමක් appeared first on ColomboXnews.