නිවසකට පැන දේපොළ සොරාගැනීමට තැත් කළ සොරුන් පිරිසකට අනපේක්ෂිත ප්‍රහාරයක්..! එක් අයෙක් මියයයි..!

මිනුවන්ගොඩ – යාගොඩමුල්ල ප්‍රදේශයේ නිවසක් කොල්ලකෑමට පැමිණි පුද්ගලයන් තුන්දෙනෙකුට සිදුකළ පහරදීමකින් එක් අයෙකු ජීවිතක්ෂයට පත්ව තිබෙනවා.

පොලිසිය සඳහන් කළේ, අද (11) අලුයම කොල්ලකරුවන් අදාල නිවසේ ප්‍රධාන දොර කඩා නිවසට ඇතුලු වී ඇති බවයි.

එම අවස්ථාවේ නිවසේ බිරිඳ පමණක් සිට ඇති අතර, ස්වාමි පුරුෂයා ව්‍යාපාරික කටයුත්තක් සඳහා නිවසින් පිටව ගොස් තිබුණා.

කොල්ලකරුවන් කාන්තාව සිටි කාමරයේ දොර විවෘත කරන ලෙස පවසා ඇති අතර, එම අවස්ථාවේ අසල්වැසි නිවසකට දුරකථනයෙන් ඇමතූ කාන්තාව නිවසට පිරිසක් බලහත්කාරයෙන් ඇතුලු වී ඇති බවට දැනුම් දී තිබුණා.

එහිදී අසල්වැසි නිවසේ පිරිමි පුද්ගලයා එම ස්ථානයට පැමිණ කොල්ල කරුවන්ට මෙලෙස පහරදී ඇති බවයි වාර්තා වන්නේ.

The post නිවසකට පැන දේපොළ සොරාගැනීමට තැත් කළ සොරුන් පිරිසකට අනපේක්ෂිත ප්‍රහාරයක්..! එක් අයෙක් මියයයි..! appeared first on ColomboXnews.