කහටගස්දිගිලිය රන්පත්විල හන්දියේ සිට කටුකැලියාව ඇතුළු ගම්මාන කිහිපයකට ප්‍රවේශවන මාර්ගය පිළිසකර කිරීමට සියලු කටයුතු සූදානම් කර තිබියදී අනුරාධපුර දිස්ත්‍රික්කයේ ම නියෝජනය කරන දුමින්ද දිසානායක රාජ්‍ය අමාත්‍යවරයා එම ගම්වාසීන් උසිගන්වා උද්ඝෝෂණය කළ බවට ෂෙහාන් සේමසිංහ රාජ්‍ය අමාත්‍යවරයා චෝදනා කරයි.
මේ නිසා ශ්‍රී ලංකා නිදහස් පක්ෂය පොදුජන පෙරමුණ ආණ්ඩුව තුළ සිටම ආණ්ඩුවට විරුද්ධව කුමන්ත්‍රණයක් දියත් කරමින් තිබෙන බව තමාට හැඟී යන බවද සේමසිංහ රාජ්‍ය අමාත්‍යවරයා වැඩිදුරටත් සඳහන් කරයි.
දැනට ආණ්ඩුව තුළ සිටිමින් තීරණාත්මක අවස්ථාවකදී ආණ්ඩුවට එරෙහිව කුමන්ත්‍රණයක් දියත් කිරීමට මෙම පිරිස බලා සිටිනවා විය හැකි බවටද අනතුරු ඇඟවීමක් සේමසිංහ රාජ්‍ය අමාත්‍යවරයා කරයි.
එය 2015 වර්ෂයේ සිදු වූ ආකාරයේ කුමන්ත්‍රණයක් විය හැකි බවද රාජ්‍ය අමාත්‍යවරයා පෙන්වා දෙයි.
අදාළ මාර්ගය පිළිසකර කර දෙන මෙන් ඉල්ලමින් ආණ්ඩු පක්ෂය නියෝජනය කරන අනුරාධපුර දිස්ත්‍රික් පාර්ලිමේන්තු මන්ත්‍රීවරුන්ගේ ඡායාරූප ද ප්‍රදර්ශනය කරමින් ප්‍රදේශවාසීන් විරෝධතාවයක නිරත වූ අවස්ථාවේ උද්ඝෝෂණකරුවන් හා දුමින්ද දිසානායක රාජ්‍ය අමාත්‍යවරයා අතර දුරකථන හරහා සාකච්ඡාවක් ද සිදුවිය.
එළබෙන 30 වැනිදා ජනාධිපතිවරයා අනුරාධපුරයේ සංචාරය කිරීමට නියමිත බවත් එහිදී මෙම ප්‍රශ්නය සම්බන්ධයෙන් ලිඛිතව කරුණු ඉදිරිපත් කිරීමට සූදානම් වන ලෙස දිසානායක රාජ්‍ය අමාත්‍යවරයා උද්ඝෝෂණකරුවන්ට උපදෙස් ද ලබා දෙන ලදී.
The post දුමින්ද දිසානායක කුමන්ත්‍රණකාරයෙක්.. උද්ඝෝෂකයින් පිටුපස ඉන්නේ ඔහුයි – සේමසිංහ කෙලින්ම චෝදනා කරයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka