‘දියුණු රටවලත් ගෑස් අනතුරු සිද්ධ වෙනවා… අපි ඉන්නේ ඒ දියුණු මට්ටමේ.. රටක් විදියට අපි සතුටු වෙන්න ඕනේ’ – අලගියවන්න

ඉතා දියුණු රටවලත් ගෑස් අනතුරු සිද්ධ වන බවත්, අපද සිටින්නේ එම දියුණු කාණ්ඩයේ බැවින් ඒ පිළිබද සතුටු විය හැකි බවත් රාජ්‍ය අමාත්‍ය ලසන්ත අලගියවන්න මහතා පැවසීය. ගෑස් අනතුරු සිදු නොවන රටක් ලොව කිසි තැනක නැති නිසා දියුණු රටවලට සාපේක්‍ෂව රටක් ලෙස සතුටු විය හැකි බව ද අමාත්‍යවරයා පවසයි.

මෙම ගෑස් අනතුරු සිදුවීම සම්බන්ධයෙන් පැය 48ක් ඇතුළත පැවැති සාකච්ජාවලදී මෙම කරුණු අනාවරණය වූ බවද අමාත්‍යවරයා කියා සිටියේය.

ලිට්‍රෝ ගෑස් සමාගම වාර්ෂිකව මෙරට වෙළෙඳපොළ තුළ ගෑස් සිලින්ඩර ලක්‍ෂ 350ක් පමණ අලෙවි කරන බව ද වසරකට ගෑස් අනතුරු 5-6 අතර ප්‍රමාණයක් සිදුවන බව ද අමාත්‍යවරයා පෙන්වා දෙයි. ඒ අතර 2015 වසරේ සිට මේ දක්වා ලාෆ්ස් ගෑස් ආශ්‍රිතව නිවෙස්වල අනතුරු 12ක්, ව්‍යාපාරික ස්ථානවල අනතුරු 9ක්, අලෙවි නියෝජිත අනතුරු 2ක් පමණ සිදුවී ඇතැයි ද ඇමතිවරයා පවසයි.

2012 වසරේදී සිට ගෑස් පරිභෝජනය කරන පාරිභෝගිකයා ආරක්‍ෂා කර ගැනීමට ගැසට් නිවේදන ගණනාවක් නිකුත් කොට ඇති බව ත් පාරිභොගිකයා ආරක්‍ෂණ අධිකාරිය ලෙස මෙතෙක් කලක් ගත් ක්‍රියාමාර්ග හැර තවත් ක්‍රියාමාර්ග ගත හැකිදැයි යන්න සොයා බලන බවත් ඇමතිවරයා පවසයි.

https://www.facebook.com/headlinenewslk/videos/1356548268132739/

The post ‘දියුණු රටවලත් ගෑස් අනතුරු සිද්ධ වෙනවා… අපි ඉන්නේ ඒ දියුණු මට්ටමේ.. රටක් විදියට අපි සතුටු වෙන්න ඕනේ’ – අලගියවන්න appeared first on ColomboXnews.