දැන් ජන්දයක් තිබ්බොත් නම් ආණ්ඩුව හේදිලාම යනවා – රාජ්‍ය අමාත්‍ය රොෂාන් රණසිංහ

”මේ මොහතේ ජනතාව ඉන්නේ ආණ්ඩුව කෙරෙහි කලකිරිලා. ඒ වගේම වේදනාවෙන් ඉන්නේ.මැතිවරණයක් තිබ්බොත් අපි හේදිලාම යනවා” යැයි පළාත් සභා හා පළාත් පාලන කටයුතු රාජ්‍ය අමාත්‍ය රොෂාන් රණසිංහ මහතා පැවසීය. රාජ්‍ය අමාත්‍යවරයා එසේ පැවසුයේ ත්‍රීකුණාමල දිස්ත්‍රික්කයේ ජාතික ලොතරැයි මණ්ඩල අලෙවිකරුවන් සඳහා ගිරිතලේ හෝටලයකදී පැවැති සුහද හමුවකට සහභාගි වෙමිනි.

අද වනවිට බඩු මිල වැඩි වී තිබෙන අතර සිමෙන්තිවලින් හාඩ්වෙයාර් මුදලාලිලා අසීමිත ලෙස ජනතාව ගසා කමින් සිටින බවයි රාජ්‍ය අමාත්‍යවරයා සඳහන් කළේ.

”ගෑස් වල හිඟකමට වඩා ගෑස් හංගලා කළු කඩ කාරයෝ අසීමිත ලෙස මුදල් උපයනවා. මේකට අවුරුදු 70 ක පාලනය තුළ
අවුරුදු 18 ක 20 ක පාලනය හැර ඉතුරු කාලය තුළ ගන්නා ලද තීන්දු තීරණ බලපෑවා.1948 සිට 1977 දක්වා ඩොලරයකට ගෙව්වේ රුපියල් 7 යි. ජේ.ආර්.ජයවර්ධන මහතා පිටරටින් බඩු ගේන එක ආරම්භ කරපු දින සිට අපේ ආර්ථිකය කඩා වැටුණා. අපි සියලු දෙනා සැමදෙයකටම දේශපාලනඥයින්ට අත දිග හරිනවාට වඩා තමාගේ යුතුකම රට වෙනුවෙන් ඉටු
කිරීමට කටයුතු කළ යුතුයි.කොවිඩ් හැදිලා එන්නත ලබා දුන්නා. ආර්ථික වශයෙන් වැටිලා සිටින විට රුපියල් 5000 දීමනාව
ලබා දුන්නා. ඉතා හොඳින් අපි අණ්ඩුව කළමණාකරණය කරගෙන ආවත් යම් තැනන අපිට වැරදිලා තියෙනවා. අපි එම වැරැද්ද හදා ගත යුතුයි. මෙයින් වාසි ලබා ගැනීමට මේ රට අවුරුදු 05 කට විනාශයට ඇද දමන ලද විපක්ෂය අද උත්සහ දරනවා.

2015 සිට 2019 දක්වා ණය ප්‍රමාණය රුපියල් බිලියන 7000 ක සිට රුපියල් බිලියන14000 ක දක්වා වැඩිකිරීම, මහ
බැංකු මංකොල්ලය, පාස්කු ප්‍රහාරය යන මේ සියල්ලම අද මේ තත්ත්වයට හේතු වුණා.”

නායකයින් තොරතුරු ලබා දෙනවිට සත්‍ය තොරතුරු ජනතාවට ලබා දිය යුතු වන අතර අපි සත්‍ය තත්ත්වය කීමට පැකිළෙන්නෙ නැති බවද රාජ්‍ය අමාත්‍යවරයා පැවසුවේය.

”මේ ආණ්ඩුව බලයට ගෙන එන්නට ජනතාව වැඩ කලේ මහින්ද රාජපක්ෂ මහතා කෙරෙහි අසීමිත ලෙස විශ්වාස කරලා. එතුමා ඒ සඳහා ගෝඨාභය රාජපක්ෂ මහතාව පත් කලා. ලෝක ඉතිහාසයේ කිසිම තැනක නැහැ ජනාධිපතිවරයා සිටින දිස්ත්‍රික්කය පාරජය කරන ලද රටක්. පළමුවැනි වතාවට අපි එය පොළොන්නරුව දිස්ත්‍රික්කයේදී කලා. අද ජනතාව මේ ආණ්ඩුව කෙරෙහි කළකිරිලා හා වේදනාවෙන් ඉන්නේ. මැතිවරණයක් තිබ්බොත් අපි හොඳලා යන්නේ. මේක වෙනස් කරන්න පුළුවන්. ජනතාව දුන්න වරමින් ජනතාවට කරුණු හා සත්‍යය අවබෝධ කරල දීල. අපිට තවත් කාලය තිබෙනවා මේ රට ගොඩ දමන්නට. ඒ සඳහා දක්ෂ පුද්ගලයින් අපේ අණ්ඩුවේ ඉන්නවා. අපේ ප්‍රධානම බැදීම තිබෙන්නේ ජනතාව සමඟයි. ඔබ පත් කරන ලද මේ රජය කෙරෙහි විශ්වාසය තබලා කටයුතු කරන්න. ඔබත් සමඟ අපි ඉන්නවා. ඔබට සාධාරණය කරන්න අපට හැකිවෙනවා කියන විශ්වාසය තබා ගන්න.” යනුවෙන් හෙතෙම වැඩිදුරටත් ප්‍රකාශ කරන ලදී.

The post දැන් ජන්දයක් තිබ්බොත් නම් ආණ්ඩුව හේදිලාම යනවා – රාජ්‍ය අමාත්‍ය රොෂාන් රණසිංහ appeared first on ColomboXnews.