දන්සැලක දී ඇද වැටී පුද්ගලයෙක් මරුට

පොසොන් පොහොය නිමිතිකොටගෙන   මිනුවන්ගොඩ පමුණුව ප්‍රදේශයේ පැවැත්වූ බත් දන්සලක සිටි පුද්ගලයෙකු එම දන්සල තුළම   අද (14)සවස මියගොස් ඇතැයි මිනුවන්ගොඩ පොලිසිය පවසයි .

මෙසේ මියගොස් ඇත්තේ හොරම්පැල්ල දෙමටගොල්ල ප්‍රදේශයේ පදිංචි උදේනි අනුර කුමාර (52 ) නමැති   දෙදරු පියෙකු බවද පොලිසිය පවසයි .

පොසොන් පොහොය නිමිත්තෙන් ප්‍රදේශයේ පිරිසක් එක්ව මිනුවන්ගොඩ පමුණුව ප්‍රදේශයේ සංවිධානය කළ බත් දන්සැලක වැඩ කටයුතු කරමින් සිට ඇති මෙම මරණකරු දන්සැල තුළදී සිහිසුන් වීම නිසා එම ස්ථානයේ සිටි පිරිස එක්ව ඔහුව ව මිනුවන්ගොඩ මූලික රෝහලට රැගෙන ගොස් ඇති අතර ඒ වන විටත් මරණකරු මියගොස් සිටි බව රෝහලේ ප්‍රකාශකයකු පැවසීය .

මියගිය අයගේ මෘත ශරීරය මේ වන විට මිනුවන්ගොඩ රෝහලේ මෘත ශරීරාගාරයේ තැන්පත් කර ඇති බවත් අද 15 දින පශ්චාත් මරණ පරීක්ෂණය සිදු කිරීමට නියමිත බවද එම රෝහල් ප්‍රකාශකයා වැඩිදුරටත් පැවසීය.

The post දන්සැලක දී ඇද වැටී පුද්ගලයෙක් මරුට appeared first on ColomboXnews.