තේ වගාවට අවශ්‍ය පොහොර නොමැති නිසා රටපුරා කුඩා තේ වතු හිමියන් දැඩිලෙස අසරණ තත්වයට පත්ව තිබෙනවා. ඔවුන් පවසන්නේ රසායනික පොහොර නොමැති නම් කාබනික පොහොර හෝ ලබාදීමට කටයුතු කරන ලෙසයි.
දකුණේ ඇතැම් ප්‍රදේශවල තේ වගාව සඳහා වසරකට ආසන්න කාලයක් තිස්සේ පොහොර ලබා දී නොමැත. මේ වනවිට දලු කහ පැහැයට හැරී, දලු හට ගැනීම අවම වී තිබෙනවා.
රටට ඩොලර් හිමිවන තේ වගාව මේ ආකායෙන් විනාශ වීම රටේ අනාගතයට දැඩි බලපෑමක් වනු ඇති බව ඔවුන් පවසනවා. තේ ගසක්වත් දැක නොමැති පුද්ගලයන් මැති ඇමතිවරුන් ලෙස පත්කර ගැනීමේ කරුමය දැන් අත්විඳිමින් සිටින බවත් ඔවුන්ට තේ වගාව පිළිබඳව ටියුෂන් දීමට සිදුවන බවත් එම ජනතාව පවසනවා.
පසුගියදා බදුල්ල කැන්දගොල්ල ප්‍රදේශයේ තේ පොහොර බෙදාදීමේ අවස්ථාවකදී උණුසුම් තත්වයක් ඇති විය. ඒ එම ජනතාවට ප්‍රමාණවත් පොහොර ලබා නොදීම හේතුවෙනි. එම ප්‍රදේශයට පොහොර මිටි 3000 ක් අවශ්‍ය වන නමුත් ලබා දී තිබුණේ පොහොර මිටි 766 ක් පමණි.
The post තේ අක්කර 05 ට පොහොර කිලෝ 05 යි – පොහොර දෙන්නෙ තේ හැන්දෙන් බෙදලා දාන්නද (Video) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka