තාක්ෂණික ඇගයීම් කමිටු නිර්දේශ නොසලකා මිල අධික පිළිකා එන්නතක් ගෙන්වන්න ලියාපදිංචියක් නැති ලංසුකරුවෙකුට දීලා

තාක්ෂණික ඇගයිම් කමිටුවේ නිර්දේශ සමග එකඟවිම  හා නොවිම සඳහා  ප්‍රසම්පාදන කමිටුවට බලයක් තියනවා… SPC විගණනයට කියයි!

වෛද්‍ය  සැපයුම්  අංශය  සදහා ඉකුත් වර්ෂයේ දි (2022) රුපියල් මිලියන 26.225ක් වටිනා Trastuzumab (440 mg ) එන්නත් ඒකක 500ක්  මිලදි ගැනිමේ  ලංසුව  තාක්ෂණික ඇගයිම් කමිටුවේ නිර්දේශය නොසලකා  ජාතික ඖෂධ නියාමන අධිකාරියේ  වලංගු ලියාපදිංචි බලපත්‍රයක්  ඉදිරිපත් නොකළ ලංසුකරුවකු වෙත ලබාදිමට  සෞඛ්‍ය අමාත්‍යංශයේ ප්‍රසම්පාදන කමිටුව විසින් කටයුතුකර ඇති බැව් ජාතික විගණන කාර්යාලය පවසයි.

මේ සදහා තෝරාගත් ලංසුකරු විසින්  ලංසුව සමග ඉදිරිපත්කොට තිබු  ජාතික ඖෂධ නියාමන අධිකාරියේ ලියාපදිංචි  සහතිකය  ඖෂධ නියාමන අධිකාරිය විසින්  එම ආයතනය සඳහා  නිකුත් කළ සහතිකයක් නොවු බවද විගණන වාර්තාවේ සදහන් වේ.

මෙය ඖෂධ නිෂ්පාදන සැපයිම හා නියාමන  රාජ්‍ය අමාත්‍යංශයේ ලේකම් මගින්  සියලු මිලදි ගැනිම් නැවත දැනුම් දෙන තුරු  තාවකාලිකව නතරකරණ ලෙස  දැනුම් දුන් ආයතනයක් වෙත  නිකුත්කර තිබු සහතිකයක් බවද  විගණනය මගින් අනාවරණය කොට ඇත. 

එමෙන්ම  ඉදිරිපත්කොට තිබු ලියාපදිංචි සහතිකයද කල්ඉකුත් වි තිබුණි. 

ලංසු මිල ගණන් ඇගයු  තාක්ෂණික ඇගයිම් කමිටුව  නිර්දේශකර තිබුණේ  ජාතික ඖෂධ නියාමන අධිකාරිය විසින් නිකුත්කරනු ලැබු වලංගු  ලියාපදිංචි සහතිකයක් ඉදිරිපත් කිරිමට යටත්ව  පමණක් අවම මිල  ඉදිරිපත් කළ ලංසුකරු වෙත  ලංසුව පිරිනැමිය යුතු බවය.

මේ සම්බන්දයෙන් රාජ්‍ය ඖෂධ නිතිගත සංස්ථාවේ කළමණාකාරිත්වය විසින් විගණනයට සඳහන් කොට ඇත්තේ  මිලදි ගනු ලබන ආයතනයට බලය පවරනු ලබන  ලේඛනයක්  ලංසුව සමග ඉදිරිපත්කොට ඇති බවය.  

ඖෂධ නියාමන අධිකාරිය  ප්‍රකාශයට පත්කළ නිවේදනයක් මගින්  ලංසුවේ වලංගු කාලය දිර්ඝ වි ඇති බවත්  තාක්ෂණික ඇගයිම් කමිටුවේ නිර්දේශ සමග එකඟවිම  හා නොවිම සඳහා  ප්‍රසම්පාදන කමිටුවට බලයක් ඇති බවය.

The post තාක්ෂණික ඇගයීම් කමිටු නිර්දේශ නොසලකා මිල අධික පිළිකා එන්නතක් ගෙන්වන්න ලියාපදිංචියක් නැති ලංසුකරුවෙකුට දීලා appeared first on ColomboXnews.