23න් හැවිරිදි තරුණයෙකුට අමානුෂික ලෙස පහරදී, රෝහල් ගතකිරීමෙන් පසු සැත්කමක් මගින් වෘෂණ කෝෂයක් ඉවත් කිරීමේ සිද්ධිය සම්බන්ධයෙන් චෝදනා ලබා රක්ෂිත බන්ධනාගාර ගත කර සිටින පොලිස් නිලධාරීන් දෙදෙනා අද අධිකරණය හමුවේ නැවතත් පෙනී සිටියා ඒ ඊට අදාළ නඩුව මැදවච්චිය මහේස්ත්‍රාත් ඉමේෂා ධර්මදාස හමුවේ අද (24) කැඳ වූ අවස්ථාවේදීයි.
එහිදී අධිකරණය විසින් ලබාදෙන ඕනෑම ඇප කොන්දේසියකට යටත්ව සැකකාර පොලිස් නිළධාරීන් දෙදෙනා මුදා හරින ලෙස විත්තිය වෙනුවෙන් පෙනීසිටි නීතිඥයන් කළ අතර, මහේස්ත්‍රාත් වරිය විසින් එම ඉල්ලීම ප්‍රතික්ෂේප කරනු ලැබීය.
අදාල සිදුවීම සම්බන්ධයෙන් සිදු කෙරෙන විමර්ශන වල තොරතුරු දැක්වෙන සවිස්තරාත්මක වාර්තාවක් අධිකරණය වෙත ඉදිරිපත් කරන ලෙසට අපරාධ පරීක්ෂණ දෙපාර්තමේන්තුව වෙත නියෝග කළ මහේස්ත්‍රාත්වරිය සැකකරුවන් නැවත ලබන මැයි මස 8 දින දක්වා බන්ධනාගාර ගත කරන ලෙස ද නියෝග කළාය.
තව කියවන්න – වෘෂණ කෝෂයක් අහිමි වන තුරු තරුණයෙකුට පහරදුන් කැබිතිගොල්ලෑව පොලීසියේ දේශබන්ධුගේ ගෝලයින්ට වැඩ වරදී
The post තරුණයෙකුගේ වෘෂණ කෝෂ ගැලවු පොලිස් නිලධාරීන් දෙදෙනාට ඇප නෑ.. මැයි 08 වනදා දක්වා බන්ධනාගාර ගත කරයි.. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka