තරග පාවා දීමේ චෝදනාවක් මත ෂොයිබ් මලික් ගේ BPL කොන්ත්‍රාත්තුව අහෝසි කරයි

බංගාලදේශ ප්‍රිමියර් ලිග් තරගාවලියේ  Fortune Barishal  කණ්ඩායමේ  සාමාජිකයෙකු ලෙස මේ වන විට බංග්ලාදේශ ප්‍රිමියර් ලීග් (BPL) තරඟාවලියට සහභාගී වෙමින් සිටි පාකිස්තානයේ හිටපු නායකයෙක්වන සොයිබ් මලික් තරඟ පාවාදීමට සම්බන්ධ බවට ඇති වූ සැකයන් මධ්‍යයේ ඔහුගේ කොන්ත්‍රාත්තුව අවසන් කර තිබේ.

බංගලාදේහ ප්‍රිමියර් ලිග් තරඟාවලියේ Fortune Barishal  කණ්ඩායම  Khulna Tigers කණ්ඩායමට එරෙහිව පැවති තරඟයේදී මලික් විසින් එක ඕවරයකදී නෝබෝල් පන්දු  තුනක් යැවීමත් සමඟ තරඟ පාවාදීම පිලිබඳ සැකයක් මතු වූ බව බංග්ලාදේශ මාධ්‍ය වාර්තා කරයි.

මෙම තරගයේදී මලික් එක් ඕවරයක් යැවූ අතර එහිදී ඔහුට එරෙහිව හතරේ පහර 2ක් සහ හයේ පහරක් සමඟින් ලකුණු 18ක් ප්‍රතිවාදී කණ්ඩායම ලබා ගත්තේය. අවාසනාවන්ත ලෙස Fortune Barishal  එම තරගය කඩුලු 8කින් පරාජය විය.

මෙම සැකයන් හෙළිදරව් වීමට පෙර මලික් පෞද්ගලික හේතුවක් මත ඩුබායි වෙත යාමට සැලසුම් කර තිබූ අතර, Fortune Barishal  ඉතිරි තරගවලින් ඉවත්ව සිටීම නිල වශයෙන් ප්‍රකාශ කර තිබුණි. කෙසේ වෙතත්, නවතම වාර්තා පෙන්වා දෙන්නේ Fortune Barishal    හි හිමිකරු හදිසියේම ඔහුගේ කොන්ත්‍රාත්තුව අවසන් කිරීමට තීරණය කර ඇති බවයි.

තවද තරඟ පාවාදීමේ සැකය හේතුවෙන් මලික්ගේ කොන්ත්‍රාත්තුව අවසන් කර ඇති බවට සමාජ මාධ්‍ය ජාලා ඔස්සේ ප්‍රචාරය වෙමින් ඇත.

The post තරග පාවා දීමේ චෝදනාවක් මත ෂොයිබ් මලික් ගේ BPL කොන්ත්‍රාත්තුව අහෝසි කරයි appeared first on ColomboXnews.