පොලොන්නරුව අභය භූමියට අයත් පරාක්‍රම සමුද්‍රයේ, තෝපාවැව ආසන්නයේ තෙප්පන් ඇල ආසන්නයට සුදුඅරලිය හෝටලයේ නාන තටාකයේ අපවිත්‍ර ජලය හා විසිතුරු මාළු ටැංකියේ කළු පැහැති අපවිත්‍ර ජලය, භූගත නලයක් මගින් බැහැර කිරීම ඇතුළු චෝදනා පහක් යටතේ අත්අඩංගුවට ගත් සුදු අරලිය හෝටලයේ කළමනාකාරවරයා පොලොන්නරුව වනජීවී දෙපාර්තමේන්තුව මගින් 03 වෙනිදා පොලොන්නරුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව රුපියල් 75,000 ක දඩයක් ගෙවන ලෙසට පොලොන්නරුව මහේස්ත්‍රාත් යු. ඒ. එච්. කේ. වික්‍රමරත්න නියෝග කළේය.
මෙම දඩ මුදල ගෙවන ලෙසට නියම වූයේ 2023 මැයි 31 වෙනිදා වනවිට සුදු අරලිය හෝටලයේ කළමනාකාරවරයා ලෙස සේවයේ නියතු ගාල්ල, ඉඳුරුව, බෙන්තොට, අංක 467/ ඒ ලිපිනයේ පදිංචි හේවායලාගේ චතුරංග දිනුෂ ගුණසේන යන අයට බව පොලොන්නරුව වනජීවී කාර්යාලය සඳහන් කරයි.
පොලොන්නරුව වනජීවි වනජීවී කාර්යාලයේ වන සත්ව අඩවි ආරක්ෂක කුමාරසිරි විජේකෝන් සැකකරු පොලොන්නරුව මහේස්ත්‍රාත් අධිකරණයට ඉදිරිපත් කළේය.
හෝටලයේ සේවකයන් විසින් දෛනිකව මෙය සිදුකර ඇති බවත්, එම වරද පිළිගන්නා බවත්, යළි එම වැරදි, සේවකයන්ගෙන් සිදු නොවන බවට කළමනාකාරවරයා අධිකරණයේ පොරොන්දු වූ බවද වන සත්ත්ව ආරක්ෂක නිලධාරී විජේකෝන් සඳහන් කළේය.
ඒ අනුව පොලොන්නරුව වනජීවී කාර්යාලයේ නිලධාරීන් විසින් සුදුඅරලිය හෝටලය මගින් අපවිත්‍ර ජලය සහ කළු පැහැ ජලය යළි මුදා හරින්නේ දැයි කරන පරීක්ෂාවෙන් අනතුරුව එවැනි අපවිත්‍ර ජලය භූගත නල මගින් තෙප්පන්වැවට මුදා නොහරින බවට නිරීක්ෂණය වූ බවට පොලොන්නරුව මහේස්ත්‍රාත් අධිකරණයට කරුණු වාර්තා කළ බවද කුමාරසිරි විජේකෝන් අප කළ විමසීමකදී කීවේය.
මෙම වැව විශේෂයෙන් පොලොන්නරුව නගරයේ විශේෂ වැවක් වන අතර, දෙස්, විදෙස් සංචාරකයන්ගේ ආකර්ෂණය දිනාගත් ස්ථානයක් බවත්, පොලොන්නරුව ජනතාවට පානීය ජලය ලබාගන්න ජල මණ්ඩලය මීටර් 500 ක් ආසන්නව පිහිටා ඇති බවත්, පොලොන්නරුව අභය භූමියේ මෙන්ම යාබද අංගම්මැඩිල්ල උද්‍යානයේ ජීවත්වන වන සතුන්ට මෙන්ම පානීය ජලය භාවිතයට ගන්නා මහජනතාවට මෙම අපවිත්‍ර ජලය බලපාන බවද පොලොන්නරුව අඩවි ආරක්ෂක කාර්යාලය සඳහන් කරයි.
The post ඩඩ්ලි සිරිසේනගේ සුදු අරලිය හෝටලෙයේ අපවිත්‍ර ජලය පරාක්‍රම සමුද්‍රයට මුදාහැරලා.. අත්අඩංගුවට ගත් කළමණාකරුට රුපියල් 75,000 ක දඩයක් නියම කරයි.. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka