ජෙරොම්ට මුදල් විශුද්ධිකරණය වැලැක්වීමේ පනතින් නඩු දාන බව නීතිපති කියයි

සිවිල් සහ දේශපාලන අයිතිවාසිකම් පිළිබඳ ජාත්‍යන්තර සම්මුති පනත ( ICCPR ) සහ දණ්ඩ නීති සංග්‍රහය යටතේ එල්ල වී ඇති චෝදනාවලට අමතරව මුදල් විශුද්ධිකරණය වැළැක්වීමේ පනත යටතේ ස්වයං ප්‍රකාශිත දිවැසිවර  දේවගැති ජෙරොම් ප්‍රනාන්දුට එරෙහිව අපරාධ පරීක්ෂණ දෙපාර්තමේන්තුව පරීක්ෂණ පවත්වන බව නීතිපතිවරයා ඊයේ (15) අභියාචනාධිකරණයට දැනුම් දුන්නේය.

ජෙරොම් දේවගැතිවරයා විසින් ගොනු කරන ලද රිට් පෙත්සම අභියාචනාධිකරණය හමුවේ කැඳවූ අවස්ථාවේදී ජ්‍යෙෂ්ඨ නීතිඥ ශාමින්ද වික්‍රම මෙම දැනුම් දිම සිදුකළේය..

බුද්ධාගම, ඉස්ලාම් සහ හින්දු ආගම විවේචනය කරමින් තමන් සිදුකරන ලද ආන්දෝලනාත්මක ඉරිදා දේශනාව සම්බන්ධයෙන් තමන් අත්අඩංගුවට ගැනීම වළක්වන නියෝගයක් නිකුත් කරන මෙන් ඉල්ලා දේවගැති ජෙරොම් ප්‍රනාන්දු අභියාචනාධිකරණයට රිට් පෙත්සමක් ගොනු කර තිබිනි.

ජෙරොම් ප්‍රනාන්දු  මැයි 15 වන දින රට හැර ගිය අතර ඔහුගේ පවුලේ අය ආපසු පැමිණි සිටිති.  ජෙරොම් ප්‍රනාන්දු දැනට  විදේශගතව සිටින අතර ඔහුට විදේශගතවිමේ  තහනමක් පනවා තිබේ.

The post ජෙරොම්ට මුදල් විශුද්ධිකරණය වැලැක්වීමේ පනතින් නඩු දාන බව නීතිපති කියයි appeared first on ColomboXnews.