පකිස්ථානයේදී අමානුෂික ලෙස ඝාතනයට ලක්වූ ප්‍රියන්ත කුමාර දියවඩන මහතා ආරක්ෂා කර ගැනීම සඳහා සිය ජීවිතය ද නොතකා ඉදිරියට පැමිණි අද්නාන් මලික් පිළිබඳව මේ වන විට ලෝකයේ අවධානය යොමුවී තිබේ.
ඔහු පිළිබඳව වැඩි දෙනෙකුගේ අවධානය යොමුවූයේ, ඔහුට පකිස්ථානයේ නිර්භීතකම සඳහා වන ඉහළ ම සිවිල් සම්මානයක් වන Tamgha i Shujaat සම්මානය පිරිනැමීමට පකිස්ථාන අග්‍රාමාත්‍ය ඉම්රාන් ඛාන් මහතා තීරණය කිරීම ත් සමග ය.
ට්විටර් පණිවිඩයක් නිකුත් කරමින් ඉම්රාන් ඛාන් මහතා සඳහන් කර ඇත්තේ, අද්නාන් මලික් මහතා ප්‍රියන්ත කුමාර මහතාගේ ජීවිතය ආරක්ෂා කර ගැනීම සඳහා සිය ජීවිතය ගැන පවා නොතකා ක්‍රියා කර ඇති බව ය.
අද්නාන් මලික් මහතා රාජ්කෝ ඉන්ඩස්ට්‍රීස් සමාගමේ ප්‍රියන්ත කුමාර මහතා සමග සේවය කළ අයෙකි.
මේ අතර, අද්නාන් මලික් මහතා ප්‍රියන්ත කුමාර මහතාට පහර දීමට එක්රැස්ව සිටි පිරිස අතරට ගොස් තත්ත්වය සමනය කිරීමට දරන උත්සහය දැක්වෙන වීඩියෝවක් ද මේ වන විට යූටියුබ් වෙත මුදා හැර තිබේ.
පසුව ප්‍රියන්ත කුමාර දියවඩන මහතාට පහර දෙන අවස්ථාවේදී ඔහු බේරා ගැනීමට උත්සහ දරන ආකාරය දැක්වෙන වීඩියෝවක් ද පකිස්ථාන මාධ්‍යවල පළ කර තිබේ.
The post ජීවිතය නොතකා ප්‍රියන්ත කුමාරගේ ජීවිතය ආරක්ෂා කිරීමට උත්සාහ ගත් අද්නාන් මලික් (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka