සීනි මත පනවා තිබු රුපියල් 50ක බද්ද ශත 25 තෙක් අඩු කිරීමෙන් රජයට රුපියල් බිලියන 15.9ක බදු ආදායමක් අහිමි වී ඇතැයි පාර්ලිමේන්තු මුදල් කාරක සභාවට ඉදිරිපත් වූ මහ බැංකු වාර්තාවක සදහන්වේ.
අදාළ වාර්තාව මගින් පෙන්වා දී ඇත්තේ එම අහිමි වූ මුදල් ප්‍රමාණය හෝ කොටසක් සීනි ආනයනය කළ සීමිත පිරිසකට ලැබී ඇති බවය.
2020 ඔක්තෝබර් 14 සිට 2021 පෙබරවාරි 20 දක්වා කාලය තුළ එක් ආයතනයක් මෙරට සීනි ආනයනයෙන් 39.02%ක් සිදු කර තිබෙන බවත් තවත් ආයතන 06ක් මෙරට සීනි ආනයනයෙන් 46%ක් සිදු කර තිබෙන බව එම වාර්තාවේ දැක්වේ. එසේම මෙරට සීනි ආනයනයෙන් 85%ක් සිදු කර තිබෙන්නේ ආයතන 07ක් විසිනි.
මහජන ධනය රුපියල් කෝටි දහසක් පමණ සීනි බදු වංචාවක් මගින් කොල්ලකෑමේ චෝදනාව එල්ල වී තිබෙන අදානි විල්මා සමාගම සම්බන්ධයෙන් වහාම පරීක්ෂණයක් පවත්වන ලෙස ජනතා විමුක්ති පෙරමුණ පසුගියදා අපරාධ පරීක්ෂණ දෙපාර්තමේන්තුවට පැමිණිල්ලක්ද ඉදිරිපත් කළේය.
The post ජවිපෙ හෙළිදරව්ව නිවැරදි බව මහ බැංකුව පිලිගනී..! ආණ්ඩුවේ ගජමිතුරු විල්මාගේ සීනි බදු වංචාවේ පාඩුව කෝටි 1590ක් (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka