ජනාධිපති ඉවත්වනවාට විමල් එරෙහි වෙයි..! ස්වාධීන කණ්ඩායමේ නිරුවත එළියට..!

ජනාධිපති ගෝඨාභය රාජපක්ෂට වහාම ඉල්ලා අස්වන ලෙස ලිඛිතව දැනුම් දීමට පාර්ලිමේන්තුව නියෝජනය කරන සෑම පක්ෂ නායකයෙක්ම එකඟත්වය පල කළත් ඒ සඳහා ජාතික නිදහස් පෙරමුණේ නායක විමල් වීරවංශගේ එකඟත්වය පල නොවීම නිසා ඉදිරිපත් කිරීමට ගිය එම ඒකාබද්ධ ඉල්ලීම සම්බන්ධව ගැටලුවක් මතු වී තිබේ.

මෙම ඒකාබද්ධ ඉල්ලීම කිරීම සඳහා  මූලික එකඟත්වය පලවී ඇත්තේ     පාර්ලිමේන්තු කටයුතු පවත්වාගෙන යෑම පිලිබඳව සාකච්ඡා කිරීමට පාර්ලිමේන්තු සංකීර්ණයේ ඊයේ (19) දහවල් රැස් වූ පක්ෂනායකයින්ගේ ඒකාබද්ධ   රැස්වීමේ දී ය.

දැනට රටේ ඇති වී තිබෙන තත්වයත්, මහජනතාවගේ හඬට කන්දීමේ අවශ්‍යතාවයත් සලකා බලා  ඉදිරි දින කීපය තුළ දී  පක්ෂ නායකයින් සියලු දෙනා එක්ව ලිඛිතව මෙම ඉල්ලීම කිරීමට සැලසුම් කර තිබිණි.

එහිදී විමල් වීවරංශ පමණක් කියා ඇත්තේ    ජනාධිපතිවරයාට ඉල්ලා අස්වීමට කියා අනතුරුව කරන්නේ කුමක් ද යන්න පිළිබඳව යලිත් කල්පනා කර තීන්දුව දැනුම් දෙන බවය.

The post ජනාධිපති ඉවත්වනවාට විමල් එරෙහි වෙයි..! ස්වාධීන කණ්ඩායමේ නිරුවත එළියට..! appeared first on ColomboXnews.