පොහොට්ටුවේ කළුතර දිස්ත්‍රීක් කණ්ඩායම් නායක රෝහිත අබේගුණවර්ධන හෙවත් රත්තරංගේ මැතිවරණ ප්‍රචාරක වැඩකටයුතු වල නිරත අයට ලබාදීම සදහා දමිත් දනංජය නැමැත්තාට අයත් කළුතර දකුණ මහ හීනටියන්ගල ප්‍රදේශයේ ගොඩනැගිල්ලක ඔහු විසින් පවත්වාගෙන ගිය මහා පරිමාන නීති විරෝධී මත්පැන් නිෂ්පාදනාගාරයක් කොළඹ අපරාධ කොට්ඨාසය විසින් වටලා විශාල මත්පැන් ප්‍රමාණයක් අත්අඩංගුවට ගෙන තිබේ. පරණ යකඩ එකතු කරන ස්ථානයක් ලෙස මෙම ස්ථානය ඉතා සූක්ෂම ලෙස මෙම පොහොට්ටුවේ ප්‍රබලයා විසින් පවත්වාගෙන ගොස් තිබේ.
රෝහිත අබේගුණවර්ධනගේ රැස්වීම් සදහා සහභාගිවන අයට ලබාදීම සදහා සුදානම්කර තිබු මත්පැන් කාලේ බෝතල් 2000කට ආසන්න ප්‍රමාණයක් මෙහිදී අත්අඩංගුවට ගෙන තිබේ. එමෙන්ම තවත් කාලේ බෝතල්වලට පිරවීමට නියමිත තිබූ මත්පැන් ලීටර් 2000කට ආසන්න ප්‍රමාණයක් සහ ඒවා ඇසිරීමට අවශ්‍ය කරන බෝතල් දහදාහක් පමණ පමණ අත්අඩංගුවට ගෙන ඇත.
පසුගියදා ගෝඨාභය රාජපක්ෂ ජනාධිපතිවරයා කළුතරට පැමිණි මහජන රැස්වීම්වලට පැමිණෙන ජනතාවට මත්පැන් කාලේ බොතලය බැගින් බෙදා දී ඇති බවද මේ වනවිට අනාවරනය වී තිබේ.
පොහොට්ටු පක්ෂයේ ප්‍රබල ක්‍රියාකාරිකයෙකු මෙන්ම පසුගිය පළාත් පාලන මැතිවරණයට ඉදිරිපත් වූ අපේක්ෂකයෙකුද වන දමිත් දනංජය නැමැත්තා එම පක්ෂයේ කළුතර දිස්ත්‍රික් පාර්ලිමේන්තු අපේක්ෂ කණ්ඩායමේ නායක රෝහිත අබේගුණවර්ධන මහතාගේ ප්‍රබල ආධාර කරුවෙකි.
පසුගිය වසරේ ජුනි 24 දින පොලිස් විශේෂ කාර්ය බලකාය සහ සුරබදු දෙපාර්තමේනතුව විසින් මෙම ස්ථානය මේ ආකාරයෙන්ම වටලා මොහු අත්අඩංගුවට ගත් නමුත් ඉන් පසු අධිකරණයෙන් ඇප ලබා පැමිණ මොහු වත්මන් ආණ්ඩුව බලයට පැමිණි පසු මෙම ස්ථානය පෙර තිබූ තත්වයෙන් නීවීකරණය කර තව දුරටත් මහාපරිමාණ ස්කාගාරයක් ලෙස පවත්වාගෙන ගොස් තිබිණි.
පසුගිය වසරේ අත්අඩංගුවට ගත් ස්කාගාර තුනෙහි අයිතිකරුවන් ලෙස සැලකෙන්නේ පුද්ගල ඝාතන සඳහා සැකකරුවෙකු වන කළුවාමෝදර සුදූ නොහොත් සුදත් කුමාර සිල්වා, බී. සමන් කුමාර සිල්වා සහ ජාත්‍යන්තර මුදල් ජාවාරම් සම්බන්ධව සිංගප්පූරුවේ වසර ගණනාවක් සිර අඩස්සියේ සිට පැමිණ පුද්ගලයෙකු වන ෆ්‍රෑන්ක් නොහොත් සුදේස් සිල්වා සහ පාලහමුණි දමිත දන්ජය යන සිවුදෙනාය.
ඊට අමතරව මෙලෙස නිශ්පාදනය කරනු ලබන මත්පැන් වර්ග සැපසුම් කරුවන් ලෙස රෝහිත අබේගුණවර්ධන මහතාගේ ඥාති පුත්‍රයෙකුද වන අනූෂ නොහොත් සංකී නැමැත්තා සහ හිටපු බස්නාහිර පළාත සභා මන්ත්‍රී ප්‍රසන්න සංජීව යන දෙදෙනා කරටයුතු කර ඇති බවද එකල වාර්තා විය.
The post ජනපති පැමිණි රැස්වීමට අරක්කු නිෂ්පාදනය කල රෝහිතගේ ස්කාගාරයක් වටලා පුද්ගලයින් 09ක් අත්අඩංගුවට – (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka