උදේ 9ට බාර් එකකට මත්පැන් ලබා ගැනීමට කිසිවෙකු නොපැමිණෙන බවත් උදේ 10 සිට රාත්‍රී 10 වන තුරු සුරාසැල් විවෘත කිරීමට අවසර ලබා දිය යුතු බවත් ආණ්ඩු පක්ෂය නියෝජනය කරනමේන්තු මන්ත්‍රී ඩයනා ගමගේ මහත්මිය අද(20) පාර්ලිමේන්තුවේදී පැවසුවාය.
කංසා වගාව නීතිගත කොට අස්වනු පිටරට යැවිය යුතු යැයි යෝජනා කරන බවද මන්ත්‍රීවරිය සඳහන් කළාය.
එහිදී වැඩිදුරටත් අදහස් දක්වමින් ඇය මෙසේද පැවසීය,
“රජයේ අනුග්‍රහයෙන් එය කළ යුතුයි. එයින් ලැබෙන මුදල් මේ රටේ ණය බේරීමට පාවිච්චි කළ හැකියි. එමෙන්ම රාත්‍රී ආර්ථීකය නැමැති සංකල්පය අප රටට අවශ්‍යයි. ශ්‍රී ලංකාවේ යනු සංචාරක පාරාදීසයක්. එමෙන්ම උදේ 10 සිට රාත්‍රී 10 දක්වා සුරාසැල් විවෘත කළ යුතු යැයි මා යෝජනා කරනවා. අද රටේ ජනතාවට දවස තිස්සේ හම්බ කරන මුදල් වියදම් කිරීමට අවස්ථාවක් නැහැ. ඒ නිසා රාත්‍රී ආර්ථිකය නැමැති සංකල්පය හඳුන්වාදිය යුතුයි. මේවා රට ගොඩ දාගන්න පුලුවන් ක්‍රම බව කිව යුතුයි”
සමගි ජන බලවේගයේ ජාතික ලයිස්තුවෙන් පාර්ලිමෙන්තු පැමිණි ඩයනා ගමගේ මහත්මිය පසුව ආණ්ඩුවට එකතු විය.
The post “ජනතාවට හම්බ කරන මුදල් වියදම් කිරීමට අවස්ථාවක් නැහැ.. බාර් රෑ 10 වෙනකන් ඇරලා අපිට ඕන නයිට් ලයිෆ්“ – ඩයනාගෙන් අලුත්ම යෝජනාවක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka