චාමිකගේ ක්‍රිකට් අත්හිටටුවිම පිටුපස ආගමික කල්ලියක්

විනය  හේතු මත සියලුම  ක්‍රිකට් තරග පිළිබඳ අත්හිටවූ තහනමක් පනවා ඇති ඇති චාමික  කරුණාරත්නට දඬුවම් ලබා දි ඇති චෝදනා දෙක වන්නේ කැසිනෝවක් පවත්වාගෙන යන ගොඩනැගිල්ලක පිහිටි අවන්හලක කණ්ඩායමේ ක්‍රීඩකයින් 09 දෙනෙක් සමග සිටි අවස්ථාවේ දී ඇති වී තිබුණ වචන හුවමාරුවක් සහ කාමරය තුළ බුදු පහනක් පත්තු කිරීමේ සිද්ධියක් බව වාර්තා වේ.

තරගය ආරම්භයට පෙර හොටල් කාමරය තුළ   පහන පත්තු කිරීම හෝටලයේ ආරක්ෂක විධානයන් කඩකිරීමක් බවට හෝටල් පාලන අධිකාරිය කළ පැමිණිල්ලක් ප්‍රකාරව ඔස්ට්‍රේලියාවේ දී ම ඔහුව  ඩොලර් දහසක දඩයකට  යටත් කිරීමට ක්‍රිකට්  කළමණාකාරු කටයුතු කර තිබේ.

එහෙත් බුදු  පහන පත්තු කිරීම නිසා  දණ්ඩනයට ලක් වූ වරද  යළිත් විනය කමිටුවට ඉදිරිපත් කර, අවන්හල තුළ ඇතිවූ වචන හුවමාරුවටත් චෝදනා එල්ල කර ඔහු මෙම තහනමට ලක් කර ඇත.

විනය කමිටුව අභියසට පැමිණෙන ලෙස චාමිකට  දැනුම් දී  ඇත්තේ  පෙරේදා (24) කමිටුව රැස්වන වෙලාවට පැයකට  පෙරය. එහිදී ඔහුගෙන් විමසා ඇතැයි වාර්තා වෙන්නෙ කැසිනෝ ශාලාව තුළ ගැටුමක් සිදුවී ද, හොටල් කාමරය තුළ පහනක් පත්තු කිරීම සිදුකළා ද යන කරුණු දෙකය.

එහිදී චාමික පැහැදිලි කර ඇත්තේ තමන් සහ තවත් ක්‍රීඩකයින් 09 දෙනෙක් ගියේ කැසිනෝ ශාලාවට නොව,  කැසිනෝවක් පවත්වාගෙන යන හෝටලයක අවහන්ලකට බවය. රාත්‍රී කෑම ගැනීමේ අභිලාෂයෙන් එතැනට ගිය බවත් ඒ අවස්ථාවේ දී කිසිම ගැටුමක් ඇති නොවුන අතර අවන්හලේ සිටි පිරිසක් සමග  වචන හුවමාරුවක්  පමණක් සිදුවූ බවත්ය.

තරගයට පෙර හෝටල් කාමරය තුළ බුදු පහනක් පත්තු කළ බව පිලිගත් චාමික පෙන්වා දී ඇත්තේ ඒ සඳහා කළමණාකාරිත්වය විසින් ඩොලර් දහසක දඩයකට තමන් යටත් කළ බවය.

කෙසේ වෙතත් ඔහු සමග සිටි අනෙක් කිසිම ක්‍රීඩකයෙකුගෙන් ප්‍රකාශ සටහන් කර නොගෙන සිදුකළ මෙම විනය පරීක්ෂණයේ අරමුණ එළඹෙන ඇෆ්ගනිස්ථාන් සංචාරයෙන් චාමිකව ඉවත් කිරීමට ඇති හේතුව සාධාරනීකරණය කිරීම බව ශ්‍රී ලංකා ක්‍රිකට් අභ්‍යන්තර ආරංචි මාර්ග හෙළි කරයි.

ශ්‍රී ලංකා ක්‍රිකට් විසින් පැවැත්වූ මාධ්‍ය සාකච්ඡාවක දී චාමික කරුණාරත්න එක්දින සංචිතයෙන් ඉවත් කිරීමට හේතුව විනය කාරණාවක් ද යන්න මාධ්‍යය    විමසූ විට ඊට පිළිතුරු දුන්  ශ්‍රී ලංකා ක්‍රිකට් ලේකම් මොහාන් ද සිල්වා ප්‍රකාශ කළේ එය විනය හේතුවක් නොව ක්‍රීඩකයාගේ දක්ෂතාවය මත පදනම්ව ගත් තීන්දුවක් බවය.

එහෙත් තරග තේරීම්වලදී ප්‍රමුඛව සලකා බලන්නේ මින් පෙර පැවති අවසන් එක් දින තරගයේ දී දැක්වූ දක්ෂතා බවත්,  එක්දින තරගයක් සඳහා තේරීමේ දී විස්සයි 20 තරගවලදී දැක්වූ දස්කම්වලට වඩා ප්‍රමුඛ වන්නේ අවසන් එක්දින තරගාවලිය තුළ   දැක්වූ දක්ෂතා බවත් පෙන්වා දෙන ක්‍රිකට් ප්‍රවීනයින්    මින් පෙර ශ්‍රී ලංකාව සහභාගී  වූ අවසන් එක් දින තරගයේ දී ලකුණු 75ක් ලබාගෙන තරගයේ වීරයා වූයේ චාමික කරුණාරත්න බව පෙන්වා දෙයි.

වාර්තාවන ආකාරයට මේ දණ්ඩනයට නොපෙනෙන හේතුවක්  වී ඇත්තේ  කණ්ඩායම තුළ බලවත් වෙමින් ඇති  එක්තරා ආගමික කල්ලියකට මතවාදීමය ලෙස මෙම ක්‍රීඩකයා එරෙහිවීම  බවය.

The post චාමිකගේ ක්‍රිකට් අත්හිටටුවිම පිටුපස ආගමික කල්ලියක් appeared first on ColomboXnews.