පසුගිය ගෝඨාභය රාපක්ෂ රජය විසින් අවලංගු කරන ලද ජපාන රජය විසින් අනුග්‍රහය දක්වනු ලබන යෝජිත සැහැල්ලු දුම්රිය සංක්‍රමණ ව්‍යාපෘතිය (LRT) නැවත සක්‍රීය කිරීමට කාලරාමුවක් සැකසීම සඳහා රනිල් වික්ක්‍රමසංහ ප්‍රමුඛ කැබිනට් මණ්ඩයේ අනුමැතිය හිමි වී තිබේ.
ඊට අදාළ යෝජනාව ජනාධිපතිවරයා විසින් පසුගියදා (ජූලි 4) පැවති කැබිනට් මණ්ඩල රැස්වීමට ඉදිරිපත් කර ඇත.
රජය සඳහන් කළේ, කොළඹ පිහිටි ජපාන රාජ්‍යතාන්ත්‍රික දූත මණ්ඩලය සමග සාකච්ඡා නැවත සක්‍රීය කරමින් අදාළ ගිවිසුමට එළැඹීම සඳහා උචිත කාලරාමුවක් සකස් කිරීමට මෙලෙස අමාත්‍ය මණ්ඩල අනුමැතිය හිමි වී ඇති බව ය.
ඩොලර් බිලියන 1.5 ක ජපාන සහනදායි ණය ක්‍රමයකින් නිමකිරීමට සැලසුම් කල කොළඹ සැහැල්ලු දුම්රිය සංක්‍රමණ (එල්ආර්ටී) ව්‍යාපෘතිය අහෝසි කිරීමට ගෝඨාභය ආණ්ඩුව ගත් තීරණය දේශීය වශයෙන් ආයතන රෙගුලාසි මෙන්ම මුල්‍ය ප්‍රතිපත්තිවලට අදාළව ද විදේශීය වශයෙන් ජාත්‍යන්තර සබදතා පිළිබඳව ද ගැටලු ඇතිවිය හැකි බව විශ්ලේෂකයන් හා නිලධාරීන් පෙන්වා එම අවස්ථාවේ පෙන්වා දෙන ලදි.
කෙසේ වෙතත් අදාළ දුම්රිය ව්‍යාපෘතිය අහෝසි කරන ලෙස ගෝඨාභය රාජපක්ෂ ජනාධිපතිවරයා එම අවස්ථාවේ මහාමාර්ග අමාත්‍යංශයට නියෝග කළේ එම ව්‍යාපෘතිය අගනුවර තදබදයට “ලාභදායී විසඳුමක්” නොවන බව පවසමිනි.
කිලෝමීටර් 15.7 (සැතපුම් 9.8) ක දුම්රිය ස්ථාන 16 ක් ඇතුළත් සැහැල්ලු දුම්රිය සංක්‍රමණ ව්‍යාපෘතිය ජපන් තාක්ෂණය භාවිත කරමින් ඉදිකිරීමට පසුගිය රජය යටතේ අත්සන් කරන ලද මෙම ව්‍යාපෘතිය විශාලතම විදේශ අරමුදල් යොදාගනිමින් ක්‍රියාත්මක කිරීමට සැලසුම් කෙරුණු යටිතල පහසුකම් සංවර්ධන ව්‍යාපෘතිය කි. දැඩි රථවාහන තදබදයක් ඇති කොළඹ නගරය තුළ මෙම ව්‍යාපෘතිය සඳහා ඉඩම් අත්පත් කර ගැනීම ද මේ වන විටත් අවසන් කර ඇති අතර මූලික ඉදිකිරීම් කටයුතු ද ආරම්භ තිබුණි.
The post ගෝඨාගේ කැබිනෙට්ටුව අවලංගු කල ජපන් සැහැල්ලු දුම්රිය ව්‍යාපෘතිය රනිල්ගේ කැබිනෙට්ටුව නැවත අනුමත කරයි. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka