පොහොර ලබා ගැනීමට කැප්පෙට්ටිපොල, විදුරුපොළ ප්‍රදේශයේ ගොවීන් 150කට ආසන්න සංඛ්‍යාවක් එහි පැමිණ සිටිය ද බෙදා දීමට ගෙනැවිත් තිබුණේ පොහොර මිටි 100ක් පමණක් වීම හේතුවෙන් කැප්පෙට්ටිපොල ගොවිජන සේවා මධ්‍යස්ථානයේ දී අද (01) දින සිදුකළ පොහොර බෙදා දීමේ අවස්ථාවක දී උණුසුම් තත්ත්වයක් ඇති විය.
එහි පැමිණ සිටි ගොවීන් නිරෝධායන නීති උල්ලංඝනය කරමින් පොහොර ලබා ගැනීමට උත්සාහ ගන්නා අයුරු අපට දක්නට ලැබුණි. ගොවීන් චෝදනා කර සිටියේ, එක් ගොවියෙකුට එක් පොහොර මිටියක් හෝ ලබාදිය නොහැකි නම් එය නිෂ්ඵල කාර්යයක් බවය.
එමෙන්ම උදෑසන සිට එහි පැමිණ සිටිය ද ගොවි ජන නිලධාරින් එම කටයුත්ත නිසි ලෙස කළමනාකරණය කර නොතිබීම හේතුවෙන් තමා අසීරුතාවයට පත්ව ඇති බවට ද එහි පැමිණ සිටි ගොවීන් චෝදනා කළහ.
පොහොර බෙදා දීමේ දී ඇති වු නොසන්සුන්තාවය පාලනය කිරීමට පොලිස් නිලධාරීන්ට ද එම ස්ථානයට පැමිණීමට සිදුවිය.
The post ගොවීන් 150ට පොහොර මිටි 100යි – කැප්පෙට්ටිපොල උණුසුම් තත්ත්වයක් (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka